နေပြည်တော်၊ ဇန်နဝါရီ ၁၇

ကြွေးမြီကုစားခြင်း (Debt Treatments) နှင့်စပ်လျဉ်း၍ ငွေတိုက်ဦးစီးဌာနမှ ဦးစီးအရာရှိ ဒေါ်ပြည့်ဖြိုး၊ စိစစ်ရေးမှူး-၂ ဦးဝေဇင်ထွန်းနှင့် ဦးသန့်ဇင်အောင် တို့မှ လေ့လာသိရှိခဲ့သည့် ဗဟုသုတများကို စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ စုပေါင်းခန်းမ၌ ၂၀၂၅ ခုနှစ် ဇန်နဝါရီလ (၁၇) ရက်နေ့၊ နေ့လယ် ၃:၀၀ နာရီတွင် ကျင်းပပြုလုပ်ခဲ့ပါသည်။

သက်ဆိုင်ရာဝန်ထမ်းများမှ ဇမ်ဘီယာနိုင်ငံနှင့် ဂါနာနိုင်ငံတို့၏ ကြွေးမြီကုစားခြင်း (Debt Treatments) နှင့်စပ်လျဉ်း၍ ဆောင်ရွက်ခဲ့သည့်အစီအစဉ်များကို ရှင်းလင်းတင်ပြခဲ့ပါသည်။

ရှင်းလင်းတင်ပြခဲ့သည့်အပေါ် တက်ရောက်လာသူများမှ မေးခွန်းများမေးမြန်းခြင်း၊ ပြန်လည်ဖြေကြားခြင်း၊ ညွှန်ကြားရေးမှူးချုပ်မှ ကြွေးမြီကုစားခြင်း၊ ကြွေးမြီရှင်းလင်းခြင်းနှင့် ကြွေးမြီရွှေ့ဆိုင်းမှုအစီအစဉ်တို့နှင့်စပ်လျဉ်း၍ ထပ်မံရှင်းလင်းခဲ့ပြီး ဆက်လက်လေ့လာရန်နှင့် ယခုကဲ့သို့ ကြွေးမြီကုစားခြင်းနှင့်စပ်လျဉ်း၍ လေ့လာသိရှိသည်များကို ဌာနရှိဝန်ထမ်းများအား မျှဝေပေးခဲ့သဖြင့် ကျေးဇူးတင်ရှိကြောင်း  ပြောကြားခဲ့ပြီး အခမ်းအနားကို ညနေ ၅:၀၀ နာရီတွင် ရုပ်သိမ်းခဲ့ပါသည်။