နေပြည်တော်၊ ဖေဖော်ဝါရီ ၁၃

ASEAN Treasury Forum (ATF) – Working Group များအတွက် ရေးဆွဲထားသည့် Terms of Reference (ToR) အပေါ် အဖွဲ့ဝင်နိုင်ငံများထံမှ အကြံပြုဖြည့်စွက်ချက်များရယူရန်နှင့် 2nd ATF Meeting 2025 အတွက် ကြိုတင်ပြင်ဆင်နိုင်ရန်တို့အတွက် Intersessional Meeting – Term of Reference of ATF Working Group and Preparation for 2nd ATF Meeting 2025 ကို ၁၃−၂−၂၀၂၅ ရက်တွင် Coordinated Universal Time နေ့လယ် ၂:၀၀ နာရီမှ ၃:၃၀ နာရီအထိ (မြန်မာစံတော်ချိန် နေ့လယ် ၁:၃၀ နာရီမှ ၃:၀၀ နာရီအထိ) ကျင်းပခဲ့ရာ ၎င်းအစည်းအဝေးသို့ ငွေတိုက်ဦးစီးဌာနမှ ညွှန်ကြားရေးမှူးချုပ် ဒေါ်စီစီပြုံးနှင့်အဖွဲ့က Virtual ဖြင့် တက်ရောက်ခဲ့ပါသည်။

အဆိုပါအစည်းအဝေးတွင် ToR (မူကြမ်း) ပါ ATF တွင် ဦးစားပေးဆောင်ရွက်မည့်နယ်ပယ်များအလိုက် ထည့်သွင်းစဉ်းစားသင့်သည့်အချက်များ၊ Working Group များအတွက် ခန့်အပ်ထားသည့် ဥက္ကဋ္ဌများနှင့် ဒုတိယဥက္ကဋ္ဌများအနေဖြင့် နယ်ပယ်အလိုက် အစည်းအဝေးကျင်းပရေးဆိုင်ရာကိစ္စရပ်များ၊ TOR အပေါ် အဖွဲ့ဝင်နိုင်ငံများက သဘောတူလက်ခံပါက ASEAN Finance and Central Bank Deputies’ Meeting (AFCDM) သို့ အစီရင်ခံတင်ပြပြီး အတည်ပြုချက်ရယူမည့်ကိစ္စရပ်များကိုလည်းကောင်း၊  2nd ATF Meeting 2025 အား မလေးရှားနိုင်ငံ၌ ကျင်းပရန် ကြိုတင်ပြင်ဆင်နေမှုများကိုလည်းကောင်း၊ Asian Development Bank (ADB) မှ အဆိုပြုထားသည့် ASEAN CLIMATE FINANCE POLICY PLATFORM−Concept for consideration by ASEAN Finance and Central Bank Deputies Working Group (AFCDM-WG) နှင့်စပ်လျဉ်း၍ 2nd ATF Meeting 2025 ကျင်းပချိန်၌ အလုပ်ရုံဆွေးနွေးပွဲ ပါဝင်ပြုလုပ်နိုင်ရေးကိုလည်းကောင်း တက်ရောက်လာသည့် အာဆီယံအဖွဲ့ဝင်နိုင်ငံများမှ ကိုယ်စားလှယ်များက ဝိုင်းဝန်းဆွေးနွေးအကြံပြုခဲ့ကြပါသည်။

အစည်းအဝေးအား နေ့လယ် ၃:၀၀ နာရီတွင် ရုပ်သိမ်းခဲ့ပါသည်။