နေပြည်တော်၊ ဖေဖော်ဝါရီ ၂၄

အိန္ဒိယသမ္မတနိုင်ငံ၊ နယူးဒေလီမြို့တွင် ဖွင့်လှစ်ပို့ချခဲ့သည့် “Public Expenditure Management” သို့ တက်ရောက်ခဲ့သည့် ငွေတိုက်ဦးစီးဌာနမှ လက်ထောက်ညွှန်ကြားရေးမှူးများဖြစ်ကြသည့် ဒေါ်ခင်နန္ဒာလွင်၊ ဒေါ်အေးမြတ်သီရိ၊ ဒေါ်စုစုအောင်နှင့် ဒေါ်သူဇာမြင့်တို့မှ ၎င်းတို့ရရှိခဲ့သည့် အတွေ့အကြုံ၊ ဗဟုသုတများကို မျှဝေခြင်းအစီအစဉ်ကို ၂၀၂၅ ခုနှစ်၊ ဖေဖော်ဝါရီလ ၂၄ ရက်နေ့၊ နံနက် (၉:၀၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၄)၊ စုပေါင်းခန်းမကြီး၌ ကျင်းပခဲ့ပါသည်။ အဆိုပါအစီအစဉ်သို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ အရာထမ်းနှင့် အမှုထမ်းများ စုစုပေါင်း (၈၅) ဦး တက်ရောက်ခဲ့ကြပါသည်။

အဆိုပါသင်တန်းသို့ ငွေတိုက်ဦးစီးဌာန၊ လက်ထောက်ညွှန်ကြားရေးမှူး ဒေါ်ခင်နန္ဒာလွင်နှင့် လက်ထောက်ညွှန်ကြားရေးမှူး ဒေါ်သူဇာမြင့်တို့က ၄-၃-၂၀၂၄ ရက်နေ့မှ ၂၂-၃-၂၀၂၄ ရက်နေ့ အထိလည်းကောင်း၊ လက်ထောက်ညွှန်ကြားရေးမှူး ဒေါ်အေးမြတ်သီရိနှင့် လက်ထောက် ညွှန်ကြားရေးမှူး ဒေါ်စုစုအောင်တို့က ၁၃-၁၁-၂၀၂၄ ရက်နေ့မှ ၂၆-၁၁-၂၀၂၄ ရက်နေ့အထိလည်းကောင်း တက်ရောက်အောင်မြင်ခဲ့ကြပါသည်။

ရှင်းလင်းတင်ပြမှုအပေါ် တက်ရောက်လာသူများမှ မေးခွန်းများမေးမြန်းခြင်း၊ ဗဟုသုတဖလှယ်ခြင်း၊ အတွေ့အကြုံများမျှဝေခြင်း၊ ဆွေးနွေးခြင်းများအပြင် ညွှန်ကြားရေးမှူးချုပ်မှ ပြည်တွင်း/ပြည်ပသင်တန်းများအား တက်ရောက်ရန်စေလွှတ်ခြင်းသည် ဌာနမှ သက်ဆိုင်ရာ ဝန်ထမ်းများသို့ တာဝန်ပေးအပ်ခြင်းဖြစ်သဖြင့် မိမိတာဝန်အားကျေပွန်စွာထမ်းဆောင်ရန် လိုအပ်ကြောင်း၊ သင်တန်းတွင်တက်မြောက်နားလည်အောင် လေ့လာသင်ယူရန်နှင့် မိမိလေ့လာခဲ့သည်များကို ဌာနတွင်ပြန်လည်မျှဝေရန်ဖြစ်ကြောင်း မှာကြားခဲ့ပါသည်။