နေပြည်တော်၊ ဖေဖော်ဝါရီ ၁၄

နိုင်ငံ့ဝန်ထမ်းတက္ကသိုလ် အရာထမ်းသင်တန်းအမှတ်စဉ်(၆၅)သို့ တက်ရောက်ခဲ့သည့် ငွေတိုက်ဦးစီးဌာနမှ ဦးနေလင်းစိုး(လက်ထောက်ညွှန်ကြားရေးမှူး)မှ သင်တန်းအတွေ့အကြုံ ဗဟုသုတ မျှဝေခြင်းအစီအစဉ်အား ၂၀၂၅ ခုနှစ် ဖေဖော်ဝါရီလ (၁၄) ရက်နေ့၊ နေ့လယ် ၂:၀၀ နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ စုပေါင်းခန်းမ၌ ကျင်းပပြုလုပ်ခဲ့ပါသည်။ အဆိုပါအစီအစဉ်သို့ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့်အရာထမ်း၊ အမှုထမ်း (၆၆) ဦး တက်ရောက်ခဲ့ကြပါသည်။

အဆိုပါအစီအစဉ်တွင် အရာထမ်းသင်တန်းသို့ တက်ရောက်ခဲ့သည့် ဦးနေလင်းစိုး (လက်ထောက် ညွှန်ကြားရေးမှူး)မှ သင်ကြားခဲ့သည့် ဘာသာရပ်များအနက် လူမှုရေးသိပ္ပံဘာသာရပ်အောက်မှ ပြည်သူ့နီတိဘာသာရပ်နှင့်စပ်လျဉ်း၍ ဗဟုသုတများအား မျှဝေတင်ပြခဲ့ပါသည်။

တင်ပြခဲ့သည့်အပေါ် ဒုတိယညွှန်ကြားရေးမှူးချုပ်မှ အရာထမ်းသင်တန်း၌ သင်ယူခဲ့သည့် ဘာသာရပ်များအနက် ပြည်သူ့နီတိဘာသာရပ်သည် နိုင်ငံ့ဝန်ထမ်းများသာမက လူမှုအသိုင်းအဝိုင်းတွင် လိုက်နာရန်လည်းလိုအပ်ပါကြောင်း၊ ဌာနတွင်းအထက်အောက် နှစ်ဦးနှစ်ဘက် အပြန်အလှန် လေးစားမှုရှိရန်လိုအပ်ပါကြောင်း၊ သို့မှသာ လုပ်ငန်းတာဝန်များထမ်းဆောင်ရာတွင် ရည်မှန်းချက်များ ပြည့်မီအောင်မြင်မည်ဖြစ်ပါကြောင်း ပြောကြားခဲ့ပါသည်။