နေပြည်တော်၊ မတ် ၁

ဌာနဆိုင်ရာ လုပ်ငန်းကျွမ်းကျင်မှု အခြေခံသင်တန်းအမှတ်စဉ် (၁/၂၀၂၂-၂၀၂၃) သင်တန်း ဖွင့်ပွဲအခမ်းအနားကို  ၂၀၂၃ ခုနှစ် မတ်လ ၁ ရက်နေ့၊ နေ့လယ် (၂:၃၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) စုပေါင်းခန်းမ၌ ကျင်းပပြုလုပ်ခဲ့ပါသည်။

အခမ်းအနားတွင် ညွှန်ကြားရေးမှူးချုပ်က သင်တန်းသား အရာထမ်း၊ အမှုထမ်းများအနေဖြင့် ရုံးလုပ်ငန်းများ၊ ဝန်ထမ်းများ လိုက်နာရမည့် စည်းမျဉ်း၊ စည်းကမ်း၊ ဘဏ္ဍာရေးစည်းမျဉ်းများကို သိရှိနားလည်သဘောပေါက်ပြီး လုပ်ငန်းများအဆင်ပြေချောမွေ့စွာ ဆောင်ရွက်နိုင်ရန် ရည်ရွယ်၍ ယခုသင်တန်းအား ဖွင့်လှစ်ပို့ချခြင်းဖြစ်ကြောင်း၊ နိုင်ငံ့ဝန်ထမ်းများ ဖြစ်သည့်အတွက် နိုင်ငံတော်အပေါ်တာဝန်ကျေပွန်ရန်၊ ဝန်ထမ်းကျင့်ဝတ်၊ နိုင်ငံ့ဝန်ထမ်း ဥပဒေ၊ နည်းဥပဒေ၊ စည်းမျဉ်းစည်းကမ်းများကို နားလည်တတ်ကျွမ်းရန်နှင့် လိုက်နာကျင့်သုံးကြရန်၊ ပို့ချချက်များအား ကြိုးစားလေ့လာသင်ယူကြပါရန်နှင့် သိရှိလိုသည်များကို မေးမြန်း၍ မှတ်သားကြရန် တိုက်တွန်းမှာကြားပါကြောင်း အဖွင့်အမှာစကားပြောကြားခဲ့ပါသည်။

အဆိုပါအခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် သင်တန်းသားများ တက်ရောက်ခဲ့ပါသည်။ အဆိုပါ သင်တန်းအား ၂၀၂၃ ခုနှစ်၊ မတ်လ ၁ ရက်နေ့မှ ၃၁ ရက်နေ့ထိ (၁) လကြာ ဖွင့်လှစ်ပို့ချမည်ဖြစ်ပြီး သင်တန်းသို့ ဝန်ထမ်းသစ်အရာထမ်း (၂) ဦး၊ အမှုထမ်း (၂၁) ဦး၊ ဌာနတွင်း သင်တန်းတက်ရောက်ရန်ကျန်ရှိသည့် အရာထမ်း၊ အမှုထမ်း (၇) ဦး စုစုပေါင်း သင်တန်းသား (၃၀) ဦး တက်ရောက်မည်ဖြစ်ပါသည်။