_0.png)
စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အရာထမ်းများလုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၁/၂၀၂၄) နှင့် SUT အခြေခံဆိုင်ရာသင်တန်းဆန်သောဆွေးနွေးပွဲ (၁/၂၀၂၄) ဖွင့်ပွဲအခမ်းအနားကို ၂၀၂၄ ခုနှစ်၊ ဇွန်လ (၁၂) ရက်နေ့၊ နံနက် (၁၀:၀၀) နာရီတွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။
သင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်က အဖွင့်အမှာစကား ပြောကြားရာ၌ ဝန်ထမ်းများအနေဖြင့် ဘာသာရပ်ဆိုင်ရာအခြေခံသိထားသော အချက်အလက်များအပေါ်တွင် ပြောင်းလဲလာသည့်အခြေအနေများနှင့်ဆီလျော်စွာ ထပ်မံ၍သိသင့်သိထိုက်သည်များကို သင်ကြားပေးခြင်းဖြစ်ကြောင်း၊ SUT ၏ အခြေခံသဘောတရားများကို သိရှိနားလည်ရန်လိုအပ်ကြောင်း၊ စာတွေ့ပိုင်းနှင့်လက်တွေ့ပိုင်းမှာပါ စနစ်တကျလေ့လာဆွေးနွေးသွားရန်လိုအပ်ကြောင်း၊ မိမိတို့ တတ်စွမ်းသ၍ လေ့လာမှတ်သားသင်ယူသွားကြရန်နှင့် ဌာနအတွင်း ပြန်လည်အသုံးချနိုင်ရန်ကြိုးပမ်းသွားရန် လိုအပ်ကြောင်းတို့ကို ပြောကြားပါသည်။
အဆိုပါသင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် သင်တန်းသား၊ သင်တန်းသူ စုစုပေါင်း (၅၈) ဦး တက်ရောက်ကြပါသည်။