စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာနတွင် တာဝန်ထမ်းဆောင်နေသည့် လူငယ်ဝန်ထမ်းများ၏ အင်္ဂလိပ်စာစွမ်းရည်တိုးတက်စေရေးအတွက်ရည်ရွယ်၍  လူငယ်ကဏ္ဍအင်္ဂလိပ်စကားပြောစွမ်းရည်ပြိုင်ပွဲကို “Better Late than Never” ခေါင်းစဉ်ဖြင့် ၂၀၂၅ ခုနှစ်၊ မတ်လ ၁၉ ရက်၊ ၁၃:၀၀ နာရီမှ ၁၄:၃၀ နာရီထိ ဤဦးစီးဌာန၊ သင်တန်းကျောင်း၌ ကျင်းပပြုလုပ်ခဲ့ပြီး ဦးစီးကော်မတီဝင်များနှင့် အသက် ၃၅ နှစ်အောက် လူငယ်ဝန်ထမ်း (၅၀)ဦး ပါဝင်တက်ရောက်ခဲ့ပါသည်။

လူငယ်ကဏ္ဍ အင်္ဂလိပ်စကားပြောစွမ်းရည်ပြိုင်ပွဲတွင် လူငယ်ဝန်ထမ်း (၅) ဦး ပါဝင်ယှဉ်ပြိုင်ခဲ့ရာ ဒေါ်အေမီလင်းဇော် (ပထမဆု)၊ ဦးဇော်နန္ဒ (ဒုတိယဆု)၊ ဦးစိုင်းအွန်မိုင်း (တတိယဆု)၊ ဒေါ်စန်းမြင့်မာ (နှစ်သိမ့်ဆု) နှင့် ဦးဌေးနိုင်ဦး (နှစ်သိမ့်ဆု) တို့အသီးသီး ရရှိခဲ့ပြီး ဆုများကို ဒုတိယညွှန်ကြားရေးမှူးချုပ်က ချီးမြှင့်ပါသည်။