စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ ဝန်ထမ်းထုဆန္ဒဖော်ထုတ်ပွဲအခမ်းအနားကို ၂၀၂၅ ခုနှစ်၊ မတ်လ (၁၉) ရက်၊ ၁၅း၀၀ နာရီအချိန်တွင် ဌာန၏အစည်းအဝေးခန်းမ၌ Hybrid ပုံစံဖြင့်ကျင်းပပြုလုပ်ခဲ့ရာ ညွှန်ကြားရေးမှူးချုပ်၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်း၊ အမှုထမ်း စုစုပေါင်းဝန်ထမ်း (၁၉၁) ဦး တက်ရောက်ပါသည်။

အဆိုပါ ဝန်ထမ်းထုဆန္ဒဖော်ထုတ်ပွဲတွင် ညွှန်ကြားရေးမှူးချုပ်က ယခင်လတင်ပြချက်များအပေါ် ဆောင်ရွက်ထားရှိမှုအခြေအနေကိုသုံးသပ်ပြီး ၂၀၂၄-၂၀၂၅ ဘဏ္ဍာရေးနှစ်၏ နောက်ဆုံးကာလဖြစ်သောကြောင့် နှစ်ပတ်လည်အစီရင်ခံစာများကို စနစ်တကျဆောင်ရွက်ရန်၊ ရုံးလုပ်ငန်းများဆောင်ရွက်ရာတွင် အမှားအယွင်းကင်းပြီး ပြီးပြည့်စုံသောရုံးလုပ်ငန်းများဖြစ်စေရေးအတွက် စနစ်တကျလုပ်ဆောင်ရန်၊ ရာသီဥတုအပူချိန်ကြောင့် မီးဘေးအန္တရာယ်ကို အထူးဂရုပြုရန်၊ လျှပ်စစ်မီးချွေတာရေးနှင့် စနစ်တကျသုံးစွဲရေးကို ကြပ်မတ်ဆောင်ရွက်ရန်၊ မိမိတို့နေထိုင်ရာ အိမ်ရာများ၊ အဆောင်များတွင် သန့်ရှင်းရေးစနစ်တကျ လုပ်ဆောင်ရန်တို့ကို လမ်းညွှန်မှာကြားပါသည်။ ထို့နောက် ကဏ္ဍအသီးသီးရှိဝန်ထမ်းများ၏ တင်ပြချက်များအပေါ် ညွှန်ကြားရေးမှူးချုပ်က ညှိနှိုင်းပေါင်းစပ်ဖြည့်ဆည်းဆောင်ရွက်ပေးခဲ့ပြီး ဝန်ထမ်းထုဆန္ဒဖော်ထုတ်ပွဲကို ၁၆း၀၀ နာရီတွင် ရုပ်သိမ်းခဲ့ပါသည်။