တစ်မျိုးသားလုံးဆိုင်ရာစာရင်းအင်းလုပ်ငန်းအဖွဲ့လုပ်ငန်းညှိနှိုင်းအစည်းအဝေးကို ၂၁-၂-၂၀၂၅ ရက်(သောကြာနေ့)၊ နေ့လယ်(၁၃:၀၀) နာရီတွင် စီမံကိန်းရေးဆွဲရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။

    အစည်းအဝေးတွင် ၂၀၂၅-၂၀၂၆ ဘဏ္ဍာရေးနှစ်၊ အမျိုးသားစီမံကိန်းဥပဒေ (မူကြမ်း) ၌ ထည့်သွင်းဖော်ပြမည့် အချက်အလက်များနှင့်စပ်လျဉ်း၍ အချက်အလက်များခိုင်မာမှု၊ ရှေ့နောက်ညီညွတ်မှုနှင့် သတင်းအချက်အလက်ပြည့်စုံမှုရှိစေရေးတို့အတွက် တစ်မျိုးသားလုံးဆိုင်ရာစာရင်းအင်းလုပ်ငန်းအဖွဲ့နှင့် ညှိနှိုင်းဆွေးနွေးမှုများ ပြုလုပ်ခဲ့ပါသည်။

     အစည်းအဝေးသို့ တစ်မျိုးသားလုံးဆိုင်ရာစာရင်းအင်းလုပ်ငန်းအဖွဲ့ (National Accounts Cluster) အဖွဲ့ဝင်များ၊ ဌာနဆိုင်ရာကိုယ်စားလှယ်များနှင့် စီမံကိန်းရေးဆွဲရေးဦးစီးဌာနမှ ညွှန်ကြားရေးမှူးများ စုစုပေါင်း (၄၃) ဦး တက်ရောက်ခဲ့ပြီး အစည်းအဝေးကို မွန်းလွဲ (၁၅:၀၀)နာရီတွင် ရုပ်သိမ်းပါသည်။