စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အသိပညာဖလှယ်ရေး (Knowledge Sharing) အစီအစဉ်ကို ၂၀၂၃ ခုနှစ်၊ အောက်တိုဘာလ ၁၂ ရက်နေ့၊ မွန်းလွဲ (၁၄း၀၀) နာရီအချိန်တွင် စီမံကိန်းရေးဆွဲရေးဦးစီးဌာန အစည်းအဝေးခန်းမ၌ Hybrid ပုံစံဖြင့်ကျင်းပပြုလုပ်ခဲ့ရာ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် ကဏ္ဍများမှ အရာထမ်း၊ အမှုထမ်းများ  တက်ရောက်ခဲ့ပါသည်။

   အဆိုပါ Knowledge Sharing အစီအစဉ်တွင် ကုန်သွယ်ရေးကဏ္ဍမှ လက်ထောက်ညွှန်ကြားရေးမှူး ဒေါ်ခင်ဆွေရီက တရုတ်ပြည်သူ့သမ္မတနိုင်ငံ ချန်ဆားမြို့၌ ဖွင့်လှစ်ပို့ချခဲ့သည့် Seminar on Capacity Building in Foreign Trade Structure Adjustment for Developing Countries သင်တန်းသို့တက်ရောက်ခဲ့သော အတွေ့အကြုံများကို ရှင်းလင်းဆွေးနွေးခဲ့ပါသည်။ ဆက်လက်၍ ကွန်ပျူတာကဏ္ဍမှ ဦးစီးအရာရှိ ဒေါ်ဆုထူးနိုင်က ဂျပန်နိုင်ငံ၊ နီဂါးတားစီရင်စု၊ မီနာမီယူအိုနူးမားမြို့၌ဖွင့်လှစ်ပို့ချခဲ့သည့် Public Management သင်တန်းသို့ တက်ရောက်ခဲ့သည့် အတွေ့အကြုံများကိုရှင်းလင်းဆွေးနွေးခဲ့ပြီး ညွှန်ကြားရေးမှူးများနှင့် ကဏ္ဍများမှ ဝန်ထမ်းများက သိရှိလိုသည်များကိုမေးမြန်းခဲ့ကာ Knowledge Sharing အစီအစဉ်ကို မွန်းလွဲ (၁၅း၀၀) နာရီတွင် ရုပ်သိမ်းခဲ့ပါသည်။