_0.png)
, 
စီမံကိန်းရေးဆွဲရေးဦးစီးဌာန၏ ဝန်ထမ်းထုဆန္ဒဖော်ထုတ်ပွဲအခမ်းအနားအား ၂၀၁၈ ခုနှစ်၊ ဒီဇင်ဘာလ ၁၈ ရက်နေ့ ညနေ ၃ နာရီတွင် ရုံးအမှတ်(၁)၊
အစည်းအဝေးခန်းမ၌ ကျင်းပပြုလုပ်ခဲ့ရာ ဝန်ထမ်း (၂၁၁) ဦးခန့် တက်ရောက်ခဲ့ပါသည်။ အခမ်းအနားတွင် ညွှန်ကြားရေးမှူးချုပ် ဒေါ်သွေးသွေးချစ်က
အဖွင့်အမှာစကားပြောကြားရာ၌ အမျိုးသားစီမံကိန်းနှစ်ပတ်လည် အစီရင်ခံစာစာအုပ် ပြုစုရာတွင် လိုက်နာဆောင်ရွက်ရမည့် လိုအပ်သည့်အချက်များ၊
နိုင်ငံတော်သမ္မတကြီး၏ ကရင်ပြည်နယ်နှင့် မွန်ပြည်နယ်ခရီးစဉ်တွင် ဝန်ထမ်းများအတွက် လမ်းညွှန်မှာကြားခဲ့သည့်အချက်များ၊ အင်္ဂလိပ်စာ
အရည်အချင်းထုတ်ပြန်ခြင်းကိစ္စရပ်၊ အခြားဝန်ကြီးဌာန၊ ဦးစီးဌာနများမှ သဘောထားမှတ်ချက်တောင်းခံရာတွင် လိုက်နာဆောင်ရွက်ရမည့်
ကိစ္စရပ်များ၊ ဝန်ထမ်းများ စည်းကမ်းတကျနေထိုင်ရေးကိစ္စများအား ဆွေးနွေးပြောကြားပါသည်။
ထို့နောက် လက်ထောက်ညွှန်ကြားရေးမှူး ဒေါ်ခင်မိုးမြင့်မှ ဖိလစ်ပိုင်နိုင်ငံ၊ မနီလာမြို့တွင် ၂၀၁၈ ခုနှစ်၊ အောက်တိုဘာလ ၂၂ ရက်နေ့မှ ၂၅ ရက်နေ့အထိ
ကျင်းပပြုလုပ်ခဲ့သည့် ရင်းနှီးမြှုပ်နှံမှုနှင့် စီမံကိန်းများအပေါ် စီးပွားရေးဆိုင်ရာ သုံးသပ်ဆွေးနွေးပွဲအကြောင်းနှင့်ပတ်သက်၍ ဆွေးနွေးတင်ပြပါသည်။
ဆက်လက်၍ စီးပွားစိစစ်သုံးသပ်ကဏ္ဍမှ ညွှန်ကြားရေးမှူး ဦးကျင်ဌေးမှ (၆) လ အမျိုးသား စီမံကိန်း အစီရင်ခံစာ စာအုပ်ပြုစုမှုနှင့်ပတ်သက်၍
ဆောင်ရွက်ထားရှိမှုအခြေအနေ၊ (၂၁-၁၂-၂၀၁၈) ရက်နေ့ တွင်ပြုလုပ်မည့် အရာထမ်းများ လုပ်ငန်းစွမ်းဆောင်ရည်မြှင့်တင်ရေးသင်တန်းနှင့်
ပတ်သက်၍ ဆောင်ရွက်မည့်ကိစ္စတို့အား ဆွေးနွေးတင်ပြပါသည်။
နိဂုံးချုပ်အနေဖြင့် ညွှန်ကြားရေးမှူးချုပ် ဒေါ်သွေးသွေးချစ်က ဆွေးနွေးချက်များနှင့်ပတ်သက်၍ Sensitivity Analysis နှင့်ပတ်သက်၍လည်းကောင်း၊
(၂၁-၁၂-၂၀၁၈) ရက်နေ့တွင်ဖွင့်လှစ်မည့်သင်တန်းကို ထိရောက်မှုရှိစေရေး ကိစ္စရပ်များကို ဆွေးနွေးပြီး အခမ်းအနားကို ညနေ(၄:၀၀) နာရီတွင် ရုပ်သိမ်းခဲ့ပါသည်။
, 