Public-Private Partnership (PPPs) နှင့် Power Purchase Agreement (PPAs) ​ဆောင်ရွက်ရသည့် အကြောင်းများ၊ စွန့်စားမှုများနှင့် နိုင်ငံတကာတွင် ဆောင်ရွက်နေသည့် ပုံစံ များကို ပိုမိုသိရှိနားလည်စေရန် ရည်ရွယ်၍ Public- Private Partnership (PPPs) and Power Purchase Agreement (PPPAs) Workshop ကို စီမံကိန်းနှင့် ဘဏ္ဍာရေးဝန်ကြီး ဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာနနှင့် အပြည်ပြည်ဆိုင်ရာ ငွေကြေး ရန်ပုံငွေအဖွဲ့ (IMF) တို့ ပူးပေါင်း၍ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ရုံးအမှတ်(၃၂) တွင် ၂၇-၁၁-၂၀၁၈ ရက်နေ့ နံနက် (၁၀:၀၀) နာရီ၌ ကျင်းပပြုလုပ်ခဲ့ရာ ဝန်ကြီး ဌာန(၄)ခုမှ အရာထမ်း/ အမှုထမ်း (၃၀) ဦး တက်ရောက်ခဲ့ပါသည်။

          အလုပ်ရုံ ဆွေးနွေးပွဲတွင် စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန ညွှန်ကြားရေးမှူးချုပ် ကိုယ်စား၊ ဒေါ်နီနီလွင် (ညွှန်ကြားရေးမှူး) မှ လည်းကောင်း၊ အပြည်ပြည် ဆိုင်ရာ ငွေကြေးရန်ပုံငွေအဖွဲ့ (IMF) မှ Mr. Yasuhisa Ojima (Resident Representative of  IMF) က လည်းကောင်း အသီးသီး အဖွင့်အမှာစကားပြောကြားခဲ့ပြီး Mr. Guohua Huang (Senior Economist of Fiscal Affairs Department, IMF) က မိတ်ဆက် စကားပြောကြား ခဲ့ပါသည်။ ဆွေးနွေးပွဲတွင် Ms. Katja Funke (Expert of Fiscal Affairs Department) နှင့် Mr. Maximilien Queyranne တို့က PPP ကို ဆောင်ရွက်သင့်သည့် အကြောင်းအရင်းများ၊ PPP ဆောင်ရွက်ခြင်း၏ ကောင်းကျိုး၊ ဆိုးကျိုးများနှင့် စွန့်စားမှုများအား နိုင်ငံတကာတွင် ဆောင်ရွက်ခဲ့သည့် စီမံကိန်းများကို ဥပမာများနှင့်တကွ ဆွေးနွေးပို့ချခဲ့ပါသည်။

          ထို့နောက် တက်ရောက်လာကြသူများကသိရှိလိုသည်များမေးမြန်းခြင်း၊ အကြံပြုဆွေးနွေး ခြင်းတို့ ပြုလုပ်ခဲ့ကြပြီး၊ ဆွေးနွေးပွဲကို နေ့လည် (၁၂:၃၀)နာရီတွင် ရုပ်သိမ်းခဲ့သည်။