စီမံကိန်းနှင့်ဘဏ္ဍာရေးဝန်ကြီးဌာန

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန

အသိပညာဖလှယ်ရေး (Knowledge Sharing) အစီအစဉ်

ကျင်းပပြုလုပ်ခြင်း

(နေပြည်တော်၊ ဖေဖော်ဝါရီလ ၁၄ ရက်)

             တရုတ်ပြည်သူ့သမ္မတနိုင်ငံ၊ ဂျီနန်မြို့၊ Shandong University တွင် စီမံကိန်းစီမံခန့်ခွဲမှု မဟာဘွဲ့သင်တန်း (Master of Project Management) သို့ တက်ရောက်ခဲ့သည့် စီမံကိန်းနှင့် ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာနမှ ဦးစီးအရာရှိ၊ ဒေါ်တိုးတိုးရွှေသည် ၎င်း၏ မဟာဘွဲ့သင်တန်း တက်ရောက်ခဲ့သည့် အတွေ့အကြုံများအား ပြန်လည်မျှဝေသည့် အသိပညာဖလှယ်ရေး (Knowledge Sharing) အစီအစဉ်ကို ၁၄-၂-၂၀၂၅ ရက်နေ့ နံနက် (၁၀:၀၀) နာရီတွင် ရုံးအမှတ်(၃၂)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။

            Knowledge Sharing အစီအစဉ်တွင် ဒုတိယညွှန်ကြားရေးမှူးချုပ်၊ ဒေါ်ခင်ဆွေလတ်မှ ဝန်ထမ်းများအနေဖြင့် ပြည်တွင်း/ ပြည်ပ ပညာသင်ဆုများကိုလည်း ကြိုးစားလျှောက်ထား စေလိုပါကြောင်း၊ ပညာသင်ဆု လျှောက်ထားရာတွင် လိုအပ်သည်များကို လေ့လာဆည်းပူးစေ လိုပါကြောင်းနှင့် ဌာနမှလည်း ကူညီဆောင်ရွက်ပေးမည် ဖြစ်ပါကြောင်း စသည်ဖြင့် အဖွင့်အမှာ စကားပြောကြားခဲ့ပါသည်။ ပညာသင် ဒေါ်တိုးတိုးရွှေမှ မဟာဘွဲ့တက်ရောက်သင်ကြားခဲ့သည့် အတွေ့အကြုံများ၊ သင်ယူခဲ့သည့် ဘာသာရပ်များ၊ ဘွဲ့ယူစာတမ်းများနှင့် ပတ်သက်၍ ဆွေးနွေးပြောကြားခဲ့ပြီး တက်ရောက်လာသည့် ဝန်ထမ်းများမှ သိရှိလိုသည်များကို မေးမြန်းဆွေးနွေးခဲ့ကြပါသည်။

          အဆိုပါ အသိပညာဖလှယ်ရေး (Knowledge Sharing) အစီအစဉ်သို့ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာနမှ ဒုတိယညွှန်ကြားရေးမှူးချုပ်များနှင့် ဝန်ထမ်းများ၊ ပြည်ထောင်စုဝန်ကြီးရုံး (စီမံကိန်း)၊ စီမံကိန်းရေးဆွဲရေးဦးစီးဌာနနှင့် ဗဟိုစာရင်းအင်းအဖွဲ့တို့မှ စုစုပေါင်း (၆၀) ဦး တက်ရောက်ခဲ့ကြပါသည်။