စီမံကိန်းနှင့်ဘဏ္ဍာရေးဝန်ကြီးဌာန

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန

အသိပညာဖလှယ်ရေး အစီအစဉ်

 (Knowledge Sharing) ကျင်းပပြုလုပ်ခြင်း

(နေပြည်တော်၊ ဩဂုတ်လ ၂၉ ရက်)

                  တရုတ်ပြည်သူ့သမ္မတနိုင်ငံ၊ ကူမင်းမြို့၊ Yunnan University of Finance တွင် စီမံကိန်း စီမံခန့်ခွဲမှု မဟာဘွဲ့သင်တန်းတက်ရောက်ခဲ့သည့် စီမံကိန်းနှင့် ဘဏ္ဍာရေးဝန်ကြီးဌာန၊ စီမံကိန်း စိစစ်ရေးနှင့် တိုးတက်မှုအစီရင်ခံရေးဦးစီးဌာနမှ လက်ထောက်ညွှန်ကြားရေးမှူး၊ ဒေါ်ခင်သီရိရွှေ သည် ၎င်း၏ မဟာဘွဲ့သင်တန်း တက်ရောက်ခဲ့သည့် အတွေ့အကြုံများအား ပြန်လည်မျှဝေသည့် အသိပညာဖလှယ်ရေး အစီအစဉ် (Knowledge Sharing)ကို ၂၉-၈-၂၀၂၄ ရက်နေ့ နေ့လယ် (၂:၀၀) နာရီတွင် ရုံးအမှတ်(၃၂) အစည်းအဝေးခန်းမ၌ ကျင်းပပြုလုပ်ခဲ့ပါသည်။

              အသိပညာဖလှယ်ရေးအစီအစဉ် (Knowledge Sharing)အခမ်းအနားတွင် ဒေါ်ခင်သီရိရွှေမှ တရုတ်ပြည်သူ့သမ္မတနိုင်ငံတွင် ပညာသင်ကြားခဲ့မှု၊ ရရှိခဲ့သည့် အတွေ့အကြုံများ၊ သင်ယူခဲ့သည့် ဘာသာရပ်များ၊ လေ့လာရေးခရီးစဉ်များ၊ ဘွဲ့ယူစာတမ်းများ စသည်တို့နှင့် ပတ်သက်၍ ဆွေးနွေး ပြောကြားခဲ့ပါသည်။

                 အဆိုပါ အခမ်းအနားသို့ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်နှင့် ဌာနရှိ အရာထမ်း၊ အမှုထမ်း(၁၂၇)ဦး တက်ရောက်ခဲ့ကြပါသည်။