စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၏  “၂၀၂၄ ခုနှစ် ၊ မီးဘေးလုံခြုံရေးဆိုင်ရာ အသိပညာပေး ဟောပြောပွဲနှင့် မီးငြိမ်းသတ်ခြင်း လက်တွေ့သရုပ်ပြပွဲ” ကျင်းပပြုလုပ်ခြင်း

နေပြည်တော်

(၂၀၂၄ ခုနှစ်၊ မတ်လ ၁၉ ရက်)

စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာနအနေဖြင့် မီးဘေးအန္တရာယ် ကြိုတင် ကာကွယ်ရေးနှင့် မီးဘေးအန္တရာယ်ကျရောက်လာပါက မီးငြိမ်းသတ်ခြင်း နည်းလမ်းများကို သိရှိနိုင်ရေးအတွက် မြန်မာနိုင်ငံမီးသတ်တပ်ဖွဲ့နှင့်ပူးပေါင်း၍ အသိပညာပေးဟောပြောပွဲနှင့် မီးငြိမ်းသတ်မှု လက်တွေ့သရုပ်ပြပွဲများနှစ်စဉ် ကျင်းပပြုလုပ်လျက်ရှိရာ “၂၀၂၄ခုနှစ်၊ မီးဘေးလုံခြုံရေး ဆိုင်ရာ အသိပညာပေး ဟောပြောပွဲနှင့် မီးငြိမ်းသတ်ခြင်း လက်တွေ့သရုပ်ပြပွဲ” ကို ၁၉-၃-၂၀၂၄ ရက်နေ့(အင်္ဂါနေ့)တွင် နံနက်(၁၀:၀၀)နာရီမှ(၁၁:၄၅)နာရီအထိ ကျင်းပပြုလုပ်ခဲ့ပါသည်။ အဆိုပါ အခမ်းအနားတွင် ဥတ္တရသီရိမြို့နယ် မီးသတ်ဦးစီးမှူးရုံးမှ ဦးစီးအရာရှိ ဦးစိုးသက်နောင် ဦးဆောင်သော မီးသတ်တပ်ဖွဲ့ဝင်(၅)ဦးက မီးဘေးအန္တရာယ်ကာကွယ်ရေးဆိုင်ရာ အသိပညာပေး ဟောပြောခြင်း၊ မီးဘေးအန္တရာယ်ကျရောက်ပါက မီးသတ်ဆေးဘူး အသုံးပြု၍ မီးငြိမ်းသတ်ခြင်း နှင့်အခြားနည်းလမ်းများဖြင့် မီးငြိမ်းသတ်ခြင်းတို့ကို လက်တွေ့သရုပ်ပြသခဲ့ပြီး တက်ရောက်လာကြသည့်  အရာထမ်း၊ အမှုထမ်းများမှလည်း မီးငြိမ်းသတ်ခြင်းနှင့်ပတ်သက်၍ ဇာတ်တိုက် လေ့ကျင့်ခြင်းနှင့် လက်တွေ့မီးငြိမ်းသတ်သရုပ်ပြခြင်းများကို စိတ်ပါဝင်စားစွာ ပူးပေါင်း ဆောင်ရွက်ခဲ့ကြပါသည်။