အမျိုးသားမှတ်တမ်းများမော်ကွန်းတိုက်ဦးစီးဌာနသည် အစိုးရဌာနများ/အဖွဲ့အစည်းများ/ လုပ်ငန်းတို့ရှိ  မှတ်တမ်းစီမံခန့်ခွဲမှုစနစ် ကောင်းမွန်ရေးအတွက် မှတ်တမ်းထိန်းသိမ်းမှု အသိ ပညာပေး သင်တန်းများ/ဆွေးနွေးပွဲများ ဖွင့်လှစ်ဆောင်ရွက်ပေးရေး၊ ဌာနများမှ တောင်းခံသည့် အကူအညီများပေးရေးနှင့် အစိုးရမှတ်တမ်းများဆုံးရှုံးမှုမရှိစေရန် ရည်ရွယ်၍ မှတ်တမ်းစီမံ ခန့်ခွဲမှုနှင့်မော်ကွန်းပညာပြန့်ပွားရေးသင်တန်း (၂/၂၀၁၈-၂၀၁၉)ကြိမ်မြောက် သင်တန်းကို    ၂၆-၈-၂၀၁၉ ရက်နေ့ နံနက်(၉:၀၀)နာရီတွင် အမျိုးသားမှတ်တမ်းများမော်ကွန်းတိုက်ဦးစီးဌာန (နေပြည်တော်ရုံးချုပ်) ၌ ဖွင့်လှစ်ခဲ့ပါသည်။

အဆိုပါ သင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်၊ ဦးခင်မောင်ဝင်းမှ သင်တန်းဖွင့် အမှာစကား ပြောကြားခဲ့ပြီး ပြည်ထောင်စုအဆင့်အဖွဲ့အစည်းများနှင့် အစိုးရဌာန စုစုပေါင်း(၃၄)ဌာနမှ သင်တန်းသား/သင်တန်းသူ(၃၄)ဦးနှင့် ဌာနဆိုင်ရာ အရာထမ်းများတို့မှ တက်ရောက်ခဲ့ကြပါသည်။ သင်တန်းကာလအတွင်း၌ ပြည်ထောင်စုအဆင့် အဖွဲ့အစည်းများနှင့် အစိုးရဌာနများ၊ ဦးစီးဌာန/အဖွဲ့အစည်း/လုပ်ငန်းများတွင် မှတ်တမ်းစီမံခန့်ခွဲရာ၌ မှန်ကန်စေရေး အတွက် အမျိုးသားမှတ်တမ်းများမော်ကွန်းတိုက်ဦးစီးဌာန၏ မှတ်တမ်း/မော်ကွန်း စီမံခန့်ခွဲမှုကို လက်တွေ့ဆောင်ရွက်နေသည့် အတွေ့အကြုံရင့် အရာထမ်းများမှ (၂၆-၈-၂၀၁၉ မှ ၃၀-၈-၂၀၁၉)ရက်နေ့အတွင်း စာတွေ့၊ လက်တွေ့သင်ကြား ပို့ချပေးမည်ဖြစ်ပြီး သင်တန်းသား/ သူများမှ သိလိုသည်များကို ဖြေကြားဆွေးနွေးသွားမည် ဖြစ်ပါသည်။