နေပြည်တော်   အောက်တိုဘာ   ၃ 

           နိုင်ငံတော်စီမံအုပ်ချုပ်ရေးကောင်စီက ပြင်ဆင်ချမှတ်ခဲ့သည့် စီးပွားရေးဦးတည်ချက်များနှင့်အညီ အသေးစား၊အငယ်စားနှင့်အလတ်စားစီးပွားရေးလုပ်ငန်းများ (MSME) ဖွံ့ဖြိုးတိုးတက်စေရန် နိုင်ငံတော်မှ ကျပ် (၁၅၀) ဘီလီယံ မတည်ပြီး သက်သာသောအတိုးနှုန်းဖြင့် ချေးငွေိများအား Participating Financial Institutions (PFI) ဘဏ်များမှတစ်ဆင့် စနစ်တကျထုတ်ချေးနိုင်ရေးအတွက် ငွေရေးကြေးရေးဆိုင်ရာ ပူးပေါင်းဆောင်ရွက်မည့်အဖွဲ့အစည်းများအဖြစ် နိုင်ငံပိုင်ဘဏ်များဖြစ်ကြသည့် မြန်မာ့စီပွားရေးဘဏ်နှင့် မြန်မာ့လယ်ယာဖွံ့ဖြိုးရေးဘဏ်တို့အပါအဝင် ပုဂ္ဂလိကဘဏ် (၁၅) ဘဏ်နှင့် ချေးငွေဆိုင်ရာလုပ်ငန်းအဖွဲ့ တို့အကြား ပူးပေါင်းဆောင်ရွက်မှုသဘောတူစာချုပ်များ လက်မှတ်ရေးထိုးပွဲအခမ်းအနားကို ယနေ့နံနက် ပိုင်းတွင် နေပြည်တော်ရှိ မြန်မာ့စီးပွားရေးဘဏ် (ရုံးချုပ်) ၌ ကျင်းပရာ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးရန်ပုံငွေစီမံခန့်ခွဲမှုအဖွဲ့ဥက္ကဋ္ဌ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမင်းထွဋ်၊ ဒုတိယဥက္ကဋ္ဌ စက်မှုဝန်ကြီးဌာန၊ ဒုတိယဝန်ကြီး ဦးရင်မောင်ညွန့် နှင့်အဖွဲ့ဝင်များ၊ ချေးငွေဆိုင်ရာလုပ်ငန်းအဖွဲ့ဥက္က္ကဋ္ဌနှင့် အဖွဲ့ဝင်များ၊ မြန်မာနိုင်ငံဘဏ်များ အသင်းဥက္ကဋ္ဌနှင့်  PFI ဘဏ်များမှ တာဝန်ရှိပုဂ္ဂိုလ်များ တက်ရောက်ကြသည်။

          ရှေးဦးစွာ အသေးစား၊ အငယ်စားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေး ရန်ပုံငွေစီမံခန့်ခွဲမှုအဖွဲ့ဥက္ကဋ္ဌနှင့် ဒုတိယဥက္ကဋ္ဌတို့က အဖွင့်အမှာစကားများ အသီးသီး ပြောကြားပါသည်။ ဆက်လက်၍ ချေးငွေဆိုင်ရာလုပ်ငန်းအဖွဲ့ဥက္ကဋ္ဌဖြစ်သည့် မြန်မာ့စီးပွားရေးဘဏ်၊ ဦးဆောင်ညွှန်ကြားရေး မှူးနှင့် PFI ဘဏ်များမှတာဝန်ရှိပုဂ္ဂိုလ်များက ရန်ပုံငွေစီမံခန့်ခွဲမှုအဖွဲ့ဥက္ကဋ္ဌနှင့် ဒုတိယဥက္ကဋ္ဌတို့၏ ရှေ့မှောက်တွင် ပူးပေါင်းဆောင်ရွက်မှုသဘောတူစာချုပ် (Participation Agreement) များ၌ လက်မှတ် ရေးထိုးကြသည်။

          ထို့နောက် နိုင်ငံပိုင်ဘဏ်များနှင့် ပုဂ္ဂလိကဘဏ်များမှ တာဝန်ရှိသူများမှ ချေးငွေထုတ်ချေးခြင်း ဆိုင်ရာလုပ်ထုံးလုပ်နည်း၊ ချေးငွေအဆိုပြုလွှာ၊ တင်ပြရမည့်အထောက်အထားများနှင့် ချေးငွေထုတ်ချေး မည့်လုပ်ငန်းစဉ်အဆင့်ဆင့်တို့ကို ရှင်းလင်းတင်ပြပြီးနောက် တက်ရောက်လာသူများ၏ ဆွေးနွေးမေး မြန်းချက်များကို သက်ဆိုင်ရာတာဝန်ရှိ ပုဂ္ဂိုလ်များက ပြန်လည်ဖြေကြားခဲ့ကြသည်။

          အသေးစား၊ အငယ်စားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးအတွက် နိုင်ငံ တော်မှ ကျပ် ဘီလီယံ (၁၇၀) ကို MSME လုပ်ငန်းများ ဖွံ့ဖြိုးတိုးတက်ရေးရန်ပုံငွေတွင် ထည့်သွင်းထား ရှိပြီး၊ အဆိုပါရန်ပုံငွေမှ ကျပ်ဘီလီယံ (၁၅၀) အား MSME လုပ်ငန်းများဖွံ့ဖြိုးတိုးတက်ရေးချေးငွေ ထုတ်ချေး နိုင်ရန် စီမံကိန်းနှင့် ဘဏ္ဍာရေးဝန်ကြီးဌာနနှင့် စက်မှုဝန်ကြီးဌာနတို့ ပူးပေါင်းဆောင်ရွက်လျက်ရှိ ကြောင်း သိရသည်။                                                                                                                                                                                                                                           

သတင်းစဉ်