နေပြည်တော် ၊ ဇွန် ၂၀
    
၂၀၂၄ ခုနှစ်၊ ပဉ္စမအကြိမ် အမျိုးသားအားကစားပွဲတော်ကျင်းပရေး ဘဏ္ဍာရေးနှင့် ဆုချီးမြှင့်ရေးဆပ်ကော်မတီ၏ ပထမအကြိမ်ညှိနှိုင်းအစည်းအဝေးကို ယနေ့မွန်းလွဲပိုင်းတွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန အစည်းအဝေးခန်းမ၌ ကျင်းပသည်။

အစည်းအဝေးသို့ ဆပ်ကော်မတီဥက္ကဋ္ဌ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း၊ ဆပ်ကော်မတီအဖွဲ့ဝင် ညွှန်ကြားရေးမှူးချုပ်များနှင့် အဆင့်မြင့်အရာရှိများ   တက်ရောက်ကြသည်။

အစည်းအဝေးတွင် ကော်မတီဥက္ကဋ္ဌ၊ ဒုတိယဝန်ကြီးက ဘဏ္ဍာရေးနှင့် ဆုချီးမြှင့်ရေးဆပ်ကော်မတီအနေဖြင့် ၂၀၂၄ ခုနှစ်၊ ပဉ္စမအကြိမ် အမျိုးသားအားကစားပွဲတော် ကျင်းပနိုင်ရေးအတွက် လိုအပ်သည့်ဘဏ္ဍာငွေရရှိရေး၊ အလှူငွေများရရှိရေးနှင့် ဆုချီးမြှင့်ရေးကိစ္စများကို ဦးစီးကော်မတီ၏စီမံမှုဖြင့်စီစဉ်ဆောင်ရွက်ပေးရန်ဖြစ်ကြောင်း၊ ဆပ်ကော်မတီအသီးသီးမှတင်ပြတောင်းခံလာသော အသုံးစရိတ်များကို စိစစ်၍ အမျိုးသား အားကစားပွဲတော်ကျင်းပရေးလုပ်ငန်းကော်မတီသို့တင်ပြရန်နှင့် ဦးစီးကော်မတီ၏ခွင့်ပြု ချက်ဖြင့်ထုတ်ပေးရန်တို့အတွက် ဘဏ္ဍာရေးဆိုင်ရာညွှန်ကြားလွှာကို ထုတ်ပြန်ပေးရန်ဖြစ် ကြောင်း၊ ထည့်ဝင်လှူဒါန်းမှုများ ရှိပါက အမျိုးသားအားကစားပွဲတော် ကျင်းပရေးဦးစီးကော်မတီ၊ ဥက္ကဋ္ဌထံတင်ပြ၍ စာရင်းများအား စနစ်တကျပြုစုမှတ်တမ်းထားရှိရန် ဖြစ်ကြောင်း၊ ဆုချီးမြှင့်နိုင်ရေးအတွက် လိုအပ်သည်များကိုလည်း ကြိုတင်ပြင်ဆင်ဆောင်ရွက်ထားရန်ဖြစ်ကြောင်း၊ ဆပ်ကော်မတီများ၏အသုံးစရိတ်အား စာရင်းစစ်ဆေးမှု ခံယူနိုင်ရန် ငွေစာရင်းရှင်းတမ်းကိုစာရင်းစစ်ဆေးရေးဆပ်ကော်မတီသို့ပေးပို့ရန်နှင့် အမျိုးသား အားကစားပွဲတော်ကျင်းပပြီးချိန်တွင် ဆပ်ကော်မတီများ၏ အသုံးစရိတ်ရှင်းတမ်းများကို စုစည်းပေါင်းချုပ်၍ အမျိုးသားအားကစားပွဲတော် ကျင်းပရေးလုပ်ငန်း ကော်မတီသို့ တင်ပြရန်ဖြစ်ကြောင်း၊ သို့ဖြစ်ရာ ဘဏ္ဍာရေးနှင့် ဆုချီးမြှင့်ရေးဆပ်ကော်မတီအနေဖြင့် ပဉ္စမအကြိမ်အမျိုးသားအားကစားပွဲတော် အောင်မြင်စွာကျင်းပနိုင်ရေးအတွက် ဦးစီးကော်မတီ၏လမ်းညွှန်ချက်များနှင့်အညီ ဘဏ္ဍာရေးနှင့် ဆုချီးမြှင့်ရေးဆိုင်ရာကိစ္စရပ်များကို သတ်မှတ်ချိန်အတွင်း စနစ်တကျဆောင်ရွက်ကြရန်ဖြစ်ကြောင်း မှာကြားသည်။
ထို့နောက် ဘဏ္ဍာရေးနှင့်ဆုချီးမြှင့်ရေးဆပ်ကော်မတီဥက္ကဋ္ဌက ဆပ်ကော်မတီဝင်များ၏ ဆွေးနွေးတင်ပြချက်များနှင့်စပ်လျဉ်း၍ လိုအပ်သည်များအား ညှိနှိုင်းပေါင်းစပ် ဆောင်ရွက်ပေးခဲ့ကြောင်း သိရသည်။

သတင်းစဉ်