မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း      (Myanmar Sustainable Development Plan- MSDP) အကောင်အထည်ဖော်ရာ၌ စောင့်ကြည့် အကဲဖြတ်နိုင်စေရန် အမျိုးသားညွှန်ကိန်းမူဘောင် (National Indicator Framework - NIF) တစ်ရပ် ဖွံ့ဖြိုးလာစေရေးအတွက် လုပ်ငန်းအဖွဲ့ (၉) ဦးဆောင်သည့် ကျန်းမာရေးနှင့် အာဟာရဆိုင်ရာကဏ္ဍ ဖွံ့ဖြိုးရေးလုပ်ငန်းအဖွဲ့၏ ဒုတိယအကြိမ် အလုပ်ရုံ ဆွေးနွေးပွဲကို ၂၀၁၈ ခုနှစ်၊ ဒီဇင်ဘာလ (၁၇) ရက်နေ့၊ နံနက် (၉:၃၀) နာရီတွင် စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ကျင်းပပြုလုပ်ခဲ့ရာ ဗဟို  စာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်၊ ဒုတိယညွှန်ကြားရေးမှူးချုပ် ဦးသန်းဇော်၊ ကုလသမဂ္ဂ ဖွံ့ဖြိုးမှုအစီအစဉ် (United Nations Development Programme- UNDP) မှ တာဝန်ရှိပုဂ္ဂိုလ်များ၊ သက်ဆိုင်ရာဝန်ကြီးဌာနများမှ လုပ်ငန်းအဖွဲ့(၉) ကျန်းမာရေး နှင့် အာဟာရဆိုင်ရာကဏ္ဍ ဖွံ့ဖြိုးရေးလုပ်ငန်းအဖွဲ့တွင် ပါဝင်သည့် လုပ်ငန်းအဖွဲ့ဝင်များနှင့် ဗဟို စာရင်းအင်းအဖွဲ့မှ ဝန်ထမ်းများ အပါအဝင် စုစုပေါင်း(၆၂)ဦးခန့် တက်ရောက်ခဲ့ကြပါသည်။

အဆိုပါ ဆွေးနွေးပွဲသည် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုး တိုးတက်မှု စီမံကိန်း အကောင်အထည်ဖော်ဆောင်ရွက်ရာ၌ စောင့်ကြည့်အကဲဖြတ်နိုင်စေရန် အမျိုးသားညွှန်ကိန်း မူဘောင်တစ်ရပ် ဖွံ့ဖြိုးစေရေးအတွက် မဏ္ဍိုင်(၃) ပြည်သူများနှင့် ကမ္ဘာ မြေ၊ ပန်းတိုင်(၄) ၂၁ ရာစု လူမှုအသိုက်အဝန်းအတွက် လူသားအရင်းအမြစ်များနှင့် လူမှုဘဝ ဖွံ့ဖြိုးတိုးတက်ရေးတွင်ပါဝင်သော ကျန်းမာရေးစောင့်ရှောက်မှုနှင့် အာဟာရမျှတသည့်စားနပ် ရိက္ခာဖူလုံမှုကဏ္ဍ ဦးဆောင်သည့် လူမှုဘဝဖွံ့ဖြိုးရေးနှင့်စပ်လျဉ်းသော လုပ်ငန်းများ ဖြစ်သည့် မဟာဗျူဟာ(၄.၂) ဆင်းရဲနွမ်းပါးသူများကို အလေးထားသည့် လူတိုင်းလက်လှမ်းမီသော ကျန်းမာရေး စောင့်ရှောက်မှု ပေးနိုင်မည့် ကျန်းမာရေးဝန်ဆောင်မှုစနစ်များ ခိုင်မာအားကောင်း ရေး ခေါင်းစဉ်အောက်ရှိ လုပ်ငန်းစဉ်(၁၂)ခုနှင့် မဟာဗျူဟာ(၄.၄) ဘေးကင်း၍ အာဟာရမျှတ သည့် စားနပ်ရိက္ခာ ဖူလုံမှုရှိစေရန်အတွက် တိုးမြှင့်ဆောင်ရွက်ရေး ခေါင်းစဉ်အောက်ရှိ လုပ်ငန်း စဉ်(၁၁)ခုတို့ကို အဓိကအလေးပေးလုပ်ဆောင်ရာတွင် တိုင်းတာနိုင်မည့် ညွှန်ကိန်းများ ထွက်ရှိ လာစေရန် ရည်ရွယ်၍ ကျင်းပခဲ့ခြင်း ဖြစ်ပါသည်။ နေပြည်တော်၊  ဒီဇင်ဘာလ ၁၈ ရက်

(သတင်းစဉ်)