နေပြည်တော်၊  ဒီဇင်ဘာလ ၁၂ ရက်

    မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း အကောင်အထည်ဖော်ရာ၌ စောင့်ကြည့်အကဲဖြတ်နိုင်စေရန် အမျိုးသားညွှန်ကိန်းမူဘောင် တစ်ရပ် ဖွံ့ဖြိုးလာစေရေးအတွက် လုပ်ငန်းအဖွဲ့ (၁) ငြိမ်းချမ်းရေးဆိုင်ရာ လုပ်ငန်းအဖွဲ့၏ ဒုတိယ အကြိမ် အလုပ်ရုံဆွေးနွေးပွဲကို ၂၀၁၈ ခုနှစ်၊ ဒီဇင်ဘာလ(၁၂) ရက်နေ့၊ နံနက် (၉:၃၀) နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၃၂)၊ အစည်းအဝေးခန်းမ၌ ကျင်းပပြုလုပ်ခဲ့ရာ ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်၊ ကုလသမဂ္ဂ ဖွံ့ဖြိုးမှုအစီအစဉ် (United Nations Development Programme - UNDP)မှ တာဝန်ရှိပုဂ္ဂိုလ်များ၊ သက်ဆိုင် ရာ ဝန်ကြီးဌာနများမှ လုပ်ငန်းအဖွဲ့(၁) ငြိမ်းချမ်းရေးဆိုင်ရာ လုပ်ငန်းအဖွဲ့တွင် ပါဝင်သည့် လုပ်ငန်းအဖွဲ့ဝင်များနှင့် ဗဟိုစာရင်းအင်းအဖွဲ့မှ ဝန်ထမ်းများ အပါအဝင် စုစုပေါင်း(၇၄)ဦးခန့် တက်ရောက်ခဲ့ကြပါသည်။

    အဆိုပါဆွေးနွေးပွဲသည် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုး တိုးတက်မှု စီမံကိန်းအကောင်အထည်ဖော်ရာ၌ စောင့်ကြည့်အကဲဖြတ်နိုင်စေရန် အမျိုးသား ညွှန်ကိန်းမူဘောင်တစ်ရပ် ဖွံ့ဖြိုးစေရေးအတွက် မဏ္ဍိုင်(၁) ငြိမ်းချမ်းရေးနှင့်တည်ငြိမ်မှု၊ ပန်းတိုင် (၁) ငြိမ်းချမ်းရေး၊ အမျိုးသား ပြန်လည်သင့်မြတ်ရေး၊ လုံခြုံရေးနှင့် ကောင်းမွန်သောအုပ်ချုပ်မှု တွင်ပါရှိသော မဟာဗျူဟာ(၁.၁) တစ်နိုင်ငံလုံး ငြိမ်းချမ်းရေးရရှိရေးနှင့် ငြိမ်းချမ်းရေးပိုမိုခိုင်မာ လာရေးနှင့် မဟာဗျူဟာ(၁.၂) တိုင်းဒေသကြီးနှင့် ပြည်နယ်အားလုံးတွင် မျှတပြီး ပဋိပက္ခမဖြစ် ရေး ဦးတည်သည့် လူမှု-စီးပွားဖွံ့ဖြိုးမှု မြှင့်တင်ရေးကို အဓိကအလေးပေး ဆောင်ရွက်ရာတွင် တိုင်းတာ နိုင်မည့် ညွှန်ကိန်းများ ထွက်ပေါ်လာစေရန် ရည်ရွယ်၍ ကျင်းပခဲ့ခြင်း ဖြစ်ပါသည်။

(သတင်းစဉ်)