စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့် အပြည်ပြည်ဆိုင်ရာ ငွေကြေးရန်ပုံငွေ အဖွဲ့(IMF)တို့ ပူးပေါင်း၍ မြန်မာနိုင်ငံ၏ ၂၀၁၆-၁၇ ဘဏ္ဍာနှစ်နှင့် ၂၀၁၇-၁၈ ဘဏ္ဍာနှစ်ရှိ စားသုံးသူ ဈေးဆနှုန်း(CPI)အခြေအနေနှင့် ထုတ်လုပ်သူဈေးဆနှုန်းကိန်း(PPI) တွက်ချက် ထုတ်ပြန်နိုင်ရန်အတွက် သင်တန်းပေးခြင်းကိစ္စများနှင့် စပ်လျဉ်း၍ ရှေ့ဆက်ဆောင်ရွက်မည့် လုပ်ငန်းများအတွက် လိုအပ်သည့် ပူးပေါင်း ဆောင်ရွက်မှုများ ပြုလုပ်နိုင်ရန် ရည်ရွယ်၍ ဆွေးနွေးပွဲကို ၂၀၁၈ ခုနှစ်၊ မေလ(၂၉)ရက်နေ့၊ ညနေ(၄:၃၀)နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ရုံးအမှတ်(၃၂)ရှိ အစည်းအဝေးခန်းမ၌ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ ဦးဆောင် ကျင်းပခဲ့ပါသည်။ ဆွေးနွေးပွဲသို့ ဗဟိုစာရင်းအင်းအဖွဲ့မှ ညွှန်ကြားရေးမှူးများနှင့် အဖွဲ့၊ 2018 IMF Staff Visit Mission မှ Mr.TakayaKamoshide၊ Mr. RyamWun နှင့်အဖွဲ့ဝင်များ တက်ရောက်ခဲ့ကြပါသည်။