စာရင်းအင်းဥပဒေနှင့် နည်းဥပဒေများအသိပညာမြှင့်တင်ရေးဆွေးနွေးပွဲကို ၂၀၂၂ ခုနှစ်၊ ဇန်နဝါရီလ(၂၀)ရက်နေ့တွင်  ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ ကျင်းပခဲ့ ပါသည်။ ဆွေးနွေးပွဲတွင် ရှမ်းပြည်နယ်အစိုးရအဖွဲ့၊ စီးပွားရေးရာဝန်ကြီး ဦးခွန်သိန်းမောင်မှ အဖွင့်အမှာ စကားပြောကြားခဲ့ပါသည်။ ထိုသို့ပြောကြားရာတွင် စာရင်းအင်းဥပဒေ၊ နည်းဥပဒေများ အသစ်ရေးဆွဲ ထုတ်ပြန်နိုင်သည့်အတွက် စာရင်းအင်းလုပ်ငန်းစဉ်များဆောင်ရွက်ရာတွင် အထူး သဖြင့် ပုဂ္ဂလိကကဏ္ဍမှစာရင်းအင်းအချက်အလက်များ ကောက်ယူစုစည်းမှုများတွင် များစွာ အထောက်အကူပြုနိုင်မည် ဖြစ်ကြောင်းပြောကြားခဲ့ပါသည်။ ထို့နောက် ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ်၊ ဦးသန်းဇော်မှ စာရင်းအင်းဥပဒေ၊ နည်းဥပဒေနှင့်စပ်လျဉ်းပြီး ရှင်းလင်း ဆွေးနွေးခဲ့ပါသည်။ ဆွေးနွေးပွဲကျင်းပရခြင်း၏ရည်ရွယ်ချက်မှာ စာရင်းအင်းဥပဒေနှင့် နည်းဥပဒေ များအားကောင်းမွန်စွာ နားလည်အသုံးပြုနိုင်ခြင်းဖြင့်  အထောက်အထား အခြေပြုမူဝါဒများ၊ ဆုံးဖြတ်ချက်များချမှတ်နိုင်ရန်နှင့် စီမံကိန်းများရေးဆွဲရာတွင် အထောက်အကူပြုနိုင်ရန်ဖြစ်ပါ သည်။ ဆွေးနွေးပွဲသို့ ရှမ်းပြည်နယ်အစိုးရအဖွဲ့ဝင်ဝန်ကြီးများ၊  ဌာနဆိုင်ရာ အသီးသီးမှ အရာ ထမ်းများ၊  ရှမ်းပြည်နယ်ဗဟိုစာရင်းအင်းအဖွဲ့မှ ဝန်ထမ်းများ  စုစုပေါင်း (၁၂၀) ဦး တက်ရောက် ခဲ့ပါသည်။