Data Cleaning နှင့် Data Analysis Training ဖွင့်ပွဲအခမ်းအနားကို ၂၀၁၉ ခုနှစ် နိုဝင်ဘာလ (၁၈) ရက်နေ့တွင် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊ ရုံးအမှတ် (၃၂) ၌ ကျင်းပပြုလုပ်ခဲ့ရာ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် ဦးဆန်းမြင့်က တက်ရောက်အဖွင့် အမှာစကား ပြောကြားခဲ့ပါသည်။ အဆိုပါသင်တန်းသည် အနာဂတ်တွင်ပြုလုပ်မည့် စစ်တမ်းများတွင် မိမိတို့ကိုယ်တိုင် Data Cleaning ပြုလုပ်နိုင်ရန်နှင့် အမှားများအားပြင်ဆင်ရာတွင် စဉ်းစားတွေးခေါ်နိုင်စွမ်းများ မြင့်တက်လာစေရန် ရည်ရွယ်ပါသည်။ သင်တန်းကို United Nations UniversityWorld Institute for Development Economic Research (UNU-WIDER) အဖွဲ့မှ ပို့ချသွားမည် ဖြစ်ပါသည်။ သင်တန်းသားများ သည် ၂၀၁၉ ခုနှစ်တွင် ကောက်ယူခဲ့သည့် မြန်မာနိုင်ငံအသေးစား၊ အငယ်စားနှင့် အလတ်စားစီးပွားရေး လုပ်ငန်းများအရေအတွက်ဆိုင်ရာ စစ်တမ်းမှရရှိလာသော ကိန်းဂဏန်းအချက်အလက်များကို အသုံး ပြု၍ Data CleaningကိုExcelဖြင့်လည်းကောင်း ၊ ကိန်းဂဏန်းအချက်အလက်များစိစစ်ခြင်းနှင့် ဂရပ်များရေးဆွဲနည်းကို Stata Software ဖြင့်လည်းကောင်း လေ့လာရမည် ဖြစ်ပါသည်။ သင်တန်း ကာလမှာ၂၀၁၉ ခုနှစ် နိုဝင်ဘာလ (၁၈) ရက်နေ့မှ (၂၂) ရက်နေ့အထိဖြစ်ပြီး ဗဟိုစာရင်းအင်းအဖွဲ့၊ နေပြည်တော်(ရုံးချုပ်)မှ သင်တန်းသားစုစုပေါင်း (၂၅) ဦးတက်ရောက်ခဲ့ကြပါသည်။