_0.png)
, 
စာရင်းအင်းဥပဒေအား ရှင်းလင်းတင်ပြခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ (SDGs) နှင့်စပ်လျဉ်း၍ အသိပညာပေးဆွေးနွေးပြောကြားခြင်းနှင့် စာရင်းအင်းအချက် အလက်မှန်ကန်ရေးနှင့် အရည်အသွေးပြည့်ဝရေးဆိုင်ရာလုပ်ငန်းများ ရှင်းလင်းဆွေးနွေးပွဲကို မန္တလေးတိုင်းဒေသကြီး အစိုးရအဖွဲ့ရုံး အစည်းအဝေးခန်းမတွင် (၄.၅.၂၀၁၈) ရက်နေ့၌ကျင်းပခဲ့ပါသည်။ အဆိုပါဆွေးနွေးပွဲသို့ မန္တလေးတိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးမြတ်သူတက်ရောက်အဖွင့်အမှာ စကားပြောကြားခဲ့ပြီး ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်မှ စာရင်းအင်းဥပဒေအား ရှင်းလင်းတင်ပြခြင်း၊ စာရင်းအင်းအချက်အလက် မှန်ကန်ရေးနှင့် အရည်အသွေးပြည့်ဝရေးဆိုင်ရာလုပ်ငန်းများနှင့် စဉ်ဆက်မပြတ်ဖွံ့ဖြိုးမှုပန်းတိုင်များ (SDGs) နှင့်စပ်လျဉ်း၍ ဆွေးနွေးပြောကြားခဲ့ရာ အစည်းအဝေး တက်ရောက်သူများမှ သိလိုသည်များကို အပြန်အလှန်မေးမြန်းဆွေးနွေးခဲ့ကြပါသည်။ ထို့နောက်ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဒေါက်တာဝါဝါမောင်သည် မန္တလေးတိုင်းဒေသကြီး ဗဟိုစာရင်းအင်းအဖွဲ့ရုံးရှိ ဝန်ထမ်းများနှင့်တွေ့ဆုံပြီး ရှေ့ဆက်ဆောင်ရွက်ရမည့် လုပ်ငန်းစဉ်များနှင့်ပတ်သက်၍ လမ်းညွှန်မှာကြားခဲ့ ပါသည်။
, 