စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အရာထမ်းများလုပ်ငန်းစွမ်းဆောင်ရည်မြှင့်တင်ရေးမွမ်းမံသင်တန်း (၂/၂၀၂၃) သင်တန်းဖွင့်ပွဲအခမ်းအနားကို ၂၀၂၃ ခုနှစ်၊ စက်တင်ဘာလ (၁၁) ရက်နေ့၊ နံနက် (၁၁:၀၀) နာရီအချိန်တွင် စီမံကိန်းရေးဆွဲရေးဦးစီးဌာန၏ သင်တန်းကျောင်း၌ ကျင်းပပြုလုပ်ခဲ့ပါသည်။

     သင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်က အဖွင့်အမှာစကားပြောကြားရာ၌ အဆိုပါသင်တန်းဖွင့်လှစ်ရခြင်း၏ ရည်ရွယ်ချက်မှာ နိုင်ငံတစ်နိုင်ငံဖွံ့ဖြိုးတိုးတက်လာစေရေး၊ ဌာနအဖွဲ့အစည်းတစ်ခုဖွံ့ဖြိုးတိုးတက်လာစေရေးအတွက် Human Capital သည် မရှိမဖြစ်လိုအပ်ကြောင်း၊ Human Capital တိုးတက်ရန် ဌာနတွင်းရှိဝန်ထမ်းများ၏ လုပ်ငန်းစွမ်းဆောင်ရည်မြင့်မားမှသာ နိုင်ငံဖွံ့ဖြိုးတိုးတက်မှုအတွက်ဆောင်ရွက်ရာတွင် တစ်ဖက်တစ်လမ်းမှအထောက်အကူပြုနိုင်မည်ဖြစ်ကြောင်း၊ နိုင်ငံတစ်နိုင်ငံဖွံ့ဖြိုးတိုးတက်ရန်ဌာနအလိုက်၊ အဖွဲ့ အစည်းအလိုက် ရှိသင့်ရှိထိုက်သည့်ကျွမ်းကျင်မှု၊ အရည်အသွေးပြည့်ဝမှုလိုအပ်ပြီး ကျွမ်းကျင်မှုရှိမှသာလျှင် မိမိတို့၏လုပ်ငန်းဆိုင်ရာများတွင် ထိရောက်စွာအကောင်အထည်ဖော် ဆောင်ရွက်နိုင်ပြီး နိုင်ငံအတွက်တစ်ဖက်တစ်လမ်းမှ ပံ့ပိုးဆောင်ရွက်နေသော မူဝါဒပိုင်းဆိုင်ရာ အကောင်အထည်ဖော်မှုများတွင် ပိုမိုထိရောက်လာနိုင်ကြောင်း ပြောကြားခဲ့ပါသည်။

     အဆိုပါသင်တန်းဖွင့်ပွဲအခမ်းအနားတွင် ညွှန်ကြားရေးမှူးချုပ်၊  ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် သင်တန်းသား၊ သင်တန်းသူ စုစုပေါင်း (၈၃) ဦး တက်ရောက်ကြပါသည်။