တရုတ်-မြန်မာစီးပွားရေးစင်္ကြံဆိုင်ရာ ဆောလျင်စွာဆောင်ရွက်မည့် စီမံကိန်းများ (Early Harvest Projects)နှင့် စပ်လျဉ်းသည့် ညှိနှိုင်းအစည်းအဝေးကို စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဒေါ်သန်းသန်းလင်း ဦးဆောင်၍ ၁၄-၁၁-၂၀၂၂ ရက် (တနင်္လာနေ့)၊ နံနက် (၁၀:၀၀) နာရီတွင် ရုံးအမှတ်(၃၂)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ စီမံကိန်းနှင့်ဘဏ္ဍာရေးဝန်ကြီးဌာနမှ ညွှန်ကြားရေးမှူးချုပ်များနှင့် ဆောလျင်စွာ ဆောင်ရွက်မည့် စီမံကိန်းများနှင့်စပ်လျဉ်း၍ တာဝန်ယူဆောင်ရွက်နေသည့် ဝန်ကြီးဌာန အသီးသီးမှ တာဝန်ရှိပုဂ္ဂိုလ်များ တက်ရောက်ပါသည်။ အစည်းအဝေးတွင် ဆောလျင်စွာဆောင်ရွက်မည့် စီမံကိန်းများနှင့်စပ်လျဉ်း၍ လက်ရှိ ဆောင်ရွက်နေမှုအခြေအနေများကို သက်ဆိုင်ရာဌာနများက ဆွေးနွေးပြီး ဒုတိယဝန်ကြီးက ပေါင်းစပ်ညှိနှိုင်းရမည့်ကိစ္စရပ်များကို လမ်းညွှန်မှာကြားကာ အစည်းအဝေးကို နံနက် (၁၁:၃၀) နာရီတွင် ရုတ်သိမ်းပါသည်။ (သတင်းစဉ်)