Pension Management Web Portal Phase III ဆောင်ရွက်မှုအခြေအနေနှင့် စပ်လျဉ်း၍ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီးထံ ရှင်းလင်းတင်ပြခြင်းကို ၄-၃-၂၀၂၅ ရက်နေ့နှင့် ၁၉-၃-၂၀၂၅ ရက်နေ့တို့တွင် ရုံးအမှတ် (၂၆) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့် ၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် D.I.S Technology Co., Ltd မှ တာဝန်ရှိသူများ တက်ရောက်ခဲ့ပါသည်။ အစည်းအဝေးတွင် ပင်စင်ဦးစီးဌာန၊ ညွှန်ကြားရေးမှူးချုပ်က Pension Management Web Portal Phase III ဆောင်ရွက်ထားရှိမှုအား ရှင်းလင်းတင်ပြခဲ့ပြီး သက်ဆိုင်ရာဌာနခွဲ တာဝန်ခံညွှန်ကြားရေးမှူးက ဆောင်ရွက်ပြီးစီးမှု အခြေအနေနှင့် ဆောင်ရွက်ရန်ကျန်ရှိမှုအခြေအနေတို့အား ရှင်းလင်းတင်ပြခဲ့ပါသည်။ ထို့နောက် လိုက်ပါဆောင်ရွက်ရမည့် ဌာန/လုပ်ငန်းအဖွဲ့အစည်းများအတွက် ပြုလုပ်ထားသည့်  Video Clip အား ပြသခဲ့ရာ ဒုတိယဝန်ကြီးက ပြင်ဆင်ရန်လိုအပ်သည်များအား လမ်းညွှန်မှာကြားခဲ့ပါသည်။