စီမံကိန်းနှင့် ဘဏ္ဍာရေးဝန်ကြီးဌာန၊ ပင်စင်ဦးစီးဌာနရှိ ဝန်ထမ်းများ၏ သား/သမီး၊ ကျောင်းသား/သူများ ပညာသင်ထောက်ပံ့ကြေးပေးအပ်ပွဲအခမ်းအနားအား ၁၈-၆-၂၀၂၅ ရက်နေ့၊ နံနက် (၁၁း၀၀) နာရီအချိန်တွင် ပင်စင်ဦးစီးဌာန၊ အုပ်ချုပ်ရေးနှင့်လူ့အရင်းအမြစ်စီမံခန့်ခွဲရေးဌာနခွဲ ရုံးခန်း၌ ကျင်းပပြုလုပ်ခဲ့ပါသည်။ အဆိုပါအခမ်းအနားသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးခင်မောင်ထွန်း၊ ရုံးချုပ်ရှိ သက်ဆိုင်ရာဌာနခွဲတာဝန်ခံများ၊  ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများ၊ ရုံးချုပ်နှင့် ပြည်ထောင်စုနယ်မြေမှ အရာထမ်း၊ အမှုထမ်းများ တက်ရောက်ခဲ့ကြပါသည်။ ညွှန်ကြားရေးမှူးချုပ်မှ အထက်တန်း ကျောင်းသား/သူများကိုယ်စား ကျောင်းသားမိဘ (၁) ဦးနှင့် အလယ်တန်းကျောင်းသား/သူများ ကိုယ်စား ကျောင်းသားမိဘ (၁) ဦးတို့အားလည်းကောင်း၊ ဒုတိယညွှန်ကြားရေးမှူးချုပ်မှ မူလတန်း ကျောင်းသား/သူများကိုယ်စား ကျောင်းသားမိဘ(၁) ဦးအားလည်းကောင်း ပညာသင်ထောက်ပံ့ကြေးငွေများ ပေးအပ်ခဲ့ပါသည်။