သတင်းထုတ်ပြန်ချက်

နေပြည်တော် ဧပြီလ ၂၂ ရက်

“ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ”၏ (၁/၂၀၂၁) အစည်း အဝေးအား စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ရုံးအမှတ်(၃၄)၊ အစည်းအဝေးခန်းမတွင်   ၂၂-၄-၂၀၁၉ ရက်နေ့၊ (၁၃:၀၀) နာရီအချိန်၌ ကျင်းပရာ ဝန်ထမ်းနောင်ရေး ဗဟိုရန်ပုံငွေ အကောင် အထည်ဖော်ရေးကော်မတီဥက္ကဋ္ဌ၊ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း တက်ရောက်အမှာစကားပြောကြားခဲ့ပါသည်။

ဒုတိယဝန်ကြီးက အဖွင့်အမှာစကားပြောကြားရာတွင် ဝန်ထမ်းနောင်ရေး ဗဟိုရန်ပုံငွေ (Central Provident Fund – CPF) အကောင်အထည်ဖော်ရေးကော်မတီကို ပြီးခဲ့သည့် အစိုးရ သက်တမ်းအတွင်း နိုင်ငံတော်သမ္မတရုံးမှ ဖွဲ့စည်းတာဝန်ပေးခဲ့၍ ကော်မတီအစည်းအဝေး စုစုပေါင်း (၇) ကြိမ်၊ ဆပ်ကော်မတီအစည်းအဝေးစုစုပေါင်း (၃) ကြိမ် ဆောင်ရွက်ခဲ့ပါကြောင်း၊  ရေရှည် တည်တံ့ခိုင်မြဲပြီး ဟန်ချက်ညီသော အမျိုးသားပင်စင်စနစ် ဖြစ်ပေါ်လာစေရန် ရည်ရွယ်၍ ဝန်ထမ်း နောင်ရေး ဗဟိုရန်ပုံငွေစနစ်ကို ဆက်လက်ဆောင်ရွက်သွားမည် ဖြစ်ပါကြောင်း၊ ဆောင်ရွက်ပြီးစီးမှု အခြေအနေအရ ပင်စင်စနစ်ပြုပြင်ပြောင်းလဲရေးအတွက် ဝန်ထမ်းနောင်ရေးဗဟိုရန်ပုံငွေ အကောင် အထည်ဖော်ရေးအစီအစဉ်နဲ့ လုပ်ငန်းစဉ်တို့အား ဆောင်ရွက်ရန် သဘောတူညီမှု ရရှိပြီးဖြစ်ကြောင်း၊ ဝန်ထမ်းနောင်ရေး ဗဟိုရန်ပုံငွေဥပဒေ အတည်ပြုပြဋ္ဌာန်းနိုင်ရေး လုပ်ငန်းစဉ်အဆင့်ဆင့်ကို ဆောင်ရွက်ခဲ့ရာ ပြည်သူ့လွှတ်တော်တွင် အတည်ပြုခဲ့ပြီးဖြစ်သော်လည်း အမျိုးသားလွှတ်တော်တွင် ဆက်လက် ဆွေးနွေးရန် ကျန်ရှိကြောင်း၊ ဝန်ထမ်းနောင်ရေး ဗဟိုရန်ပုံငွေသည် ရေရှည်ဆောင်ရွက်ရ မည့်ကိစ္စဖြစ်၍ နိုင်ငံတော်စီမံအုပ်ချုပ်ရေးကောင်စီမှ ကော်မတီကို ပြန်လည်ပြင်ဆင်ဖွဲ့စည်းပေးခဲ့ပါ ကြောင်း၊ ထို့ကြောင့် မိမိတို့ကော်မတီအနေဖြင့် ဆက်လက်ဆောင်ရွက်ရန်ကိစ္စများ၊  ကြိုတင်ပြင်ဆင် ဆောင်ရွက်ရမည့်ကိစ္စများ၊ ဥပဒေကြမ်းနှင့်ပတ်သက်၍ ဆောင်ရွက်သင့်သည့် ကိစ္စရပ်များတို့ကို ဆွေးနွေးညှိနှိုင်း ဆောင်ရွက်ကြရန် ဖြစ်ပါကြောင်း ပြောကြားပါသည်။

ဆက်လက်၍ ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ အတွင်း ရေးမှူး၊ ပင်စင်ဦးစီးဌာန၊ ညွှန်ကြားရေးမှူးချုပ် ဒေါ်စီစီပြုံးမှ ဝန်ထမ်းနောင်ရေးဗဟိုရန်ပုံငွေ အကောင် အထည်ဖော်ရေးနှင့်စပ်လျဉ်း၍ ဆောင်ရွက်မှုအခြေအနေများအား ရှင်းလင်းတင်ပြခဲ့ပါသည်။ ထို့နောက် အစည်းအဝေးသို့ တက်ရောက်လာကြသည့် ကော်မတီဝင်များက အကြံပြုဆွေးနွေးခဲ့ကြပြီး  ကော်မတီ ဥက္ကဋ္ဌက နိဂုံးချုပ်အမှာစကားပြောကြား၍ အစည်းအဝေးကို အောင်မြင်စွာ ကျင်းပပြီးစီးခဲ့ပါသည်။

ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီကို ပြည်ထောင်စုသမ္မတ မြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ၏ ၂၄-၃-၂၀၂၁ ရက်စွဲပါ အမိန့်ကြော်ငြာစာ အမှတ်၊ ၇၁/၂၀၂၁ ဖြင့် ပြင်ဆင်ဖွဲ့စည်းခဲ့ပြီး စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ဒုတိယဝန်ကြီး က ဥက္ကဋ္ဌအဖြစ် ဆောင်ရွက်၍ သက်ဆိုင်ရာဌာနများမှ ညွှန်ကြားရေးမှူးချုပ်များ၊ ဦးဆောင်ညွှန်ကြား ရေးမှူးများလည်း ပါဝင်ကြောင်း၊ နိုင်ငံ့ဝန်ထမ်းများ၏ ပင်စင်ခံစားခွင့်များကို ပိုမိုတိုးတက်ခံစား ရရှိ‌နိုင်စေမည့် ပင်စင်ရန်ပုံငွေစနစ်တစ်ရပ်ကို ထူထောင်ရန် ဆက်လက်ကြိုးပမ်း ဆောင်ရွက်သွားမည် ဖြစ်ကြောင်း သတင်းရရှိသည်။

သတင်းစဉ်