နေပြည်တော် ၊ ဩဂုတ် ၂၁ 

စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာန၊ လုပ်ငန်းကျွမ်းကျင်မှုသင်တန်း အမှတ်စဉ် (၁/၂၀၂၃) ဖွင့်ပွဲအခမ်းအနားကို ယနေ့နံနက် (၀၉:၀၀) နာရီတွင် ပင်စင်ဦးစီးဌာန၊ ရုံးအမှတ် (၃၄) စုပေါင်းအစည်းအဝေးခန်းမ၌ကျင်းပရာ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းနှင့် ဒေါ်သန်းသန်းလင်း၊ ဝန်ကြီးဌာနအောက်ရှိ လုပ်ငန်း၊ အဖွဲ့ အစည်းများ၊ ဦးစီးဌာနများမှ ဦးဆောင်ညွှန်ကြားရေးမှူးများနှင့် ညွန်ကြားရေးမှူးချုပ်များနှင့် တာဝန်ရှိသူများ၊ သင်တန်းနည်းပြများ တက်ရောက်ကြသည်။

သင်တန်းဖွင့်ပွဲအခမ်းအနားတွင် ဒုတိယဝန်ကြီး ဦးမောင်မောင်ဝင်းက  ယခုသင်တန်း အား ပင်စင်ဦးစီးဌာနမှ အရာထမ်းနှင့်အမှုထမ်းများ၏ လုပ်ငန်းစွမ်းဆောင်ရည်မြင့်မားလာစေ ရန်၊ အမျိုးသားပင်စင်စနစ် (National Pension System) ပေါ်ပေါက်လာရေးအတွက် မူဘောင် အတွင်းမှ ပြုပြင်ပြောင်းလဲခြင်း (Parametric Reform) နှင့် ကမ္ဘာ့နိုင်ငံများတွင်ကျင့်သုံးလျက်ရှိ သောရန်ပုံငွေကို အခြေခံ၍ ပင်စင်အကျိုးခံစားခွင့်ပြုသည့်စနစ် (Systemic Reform) သို့ ပြောင်းလဲဆောင်ရွက်မည့် ဝန်ထမ်းနောင်ရေးဗဟိုရန်ပုံငွေ (Central Provident Fund – CPF) ထူထောင်နိုင်ရေးကို မူဝါဒရည်မှန်းချက်နှင့်အညီ ထိရောက်စွာ အကောင်အထည်ဖော်ဆောင်ရွက် နိုင်ရန် ရည်ရွယ်ချက်များဖြင့် ဖွင့်လှစ်ပို့ချပေးခြင်းဖြစ်ကြောင်း၊ အငြိမ်းစားဝန်ထမ်းများသည် လက်ရှိတာဝန်ထမ်းဆောင်နေကြသည့် ဝန်ထမ်းများ၏ ရှေ့ဆောင်လမ်းပြဆရာသမားများဖြစ် ကြကြောင်း၊ သို့ဖြစ်ရာ အငြိမ်းစားဝန်ထမ်းကြီးများ ဆောင်ရွက်ခဲ့ကြသည့် အတွေ့အကြုံကောင်း များကိုအခြေခံ၍ ပိုမိုကောင်းမွန်သည့် ပင်စင်စနစ် ပေါ်ထွန်းလာရေးကို စဉ်ဆက်မပြတ် လေ့လာ သုံးသပ်ကြိုးပမ်းဆောင်ရွက်သွားကြရမည်ဖြစ်ကြောင်း။

အငြိမ်းစားဝန်ထမ်းများ ခံစားခွင့်ရရှိသည့်ပင်စင်လစာငွေများ အဆင်ပြေချောမွေ့စွာ ထုတ်ယူခံစားနိုင်ရေးအတွက် သတ်မှတ်ထားသည့် ပင်စင်ဥပဒေ၊ နည်းဥပဒေ၊ စည်းမျဉ်း၊ လုပ်ထုံးလုပ်နည်းများနှင့်အညီ စေတနာထားဆောင်ရွက်ပေးကြရန် လိုအပ်ကြောင်း တိုက်တွန်း မှာကြားပါသည်။

အဆိုပါသင်တန်းသို့ ပင်စင်ဦးစီးဌာနမှ အရာထမ်း/အမှုထမ်း စုစုပေါင်း ၄၃ ဦး တက် ရောက်ကြကြောင်းနှင့် သင်တန်းကာလမှာ ရက်သတ္တပတ် (၈) ပတ် ကြာမြင့်မည်ဖြစ်ပြီး၊ စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာနအနေဖြင့် ဝန်ထမ်းနောင်ရေးဗဟိုရန်ပုံငွေ စနစ်သစ်ပေါ်ပေါက်လာရေးအတွက် အစဉ်တစိုက်ကြိုးပမ်းဆောင်ရွက်လျက်ရှိကြောင်း သိရှိရ သည်။

  
                                                                      သတင်းစဉ်