ရသုံးမှန်းခြေငွေစာရင်းဦးစီးဌာန

မူဝါဒ

၁။      ရသုံးမှန်းခြေငွေစာရင်းဦးစီးဌာန၏ မူဝါဒများမှာအောက်ပါအတိုင်းဖြစ်ပါသည်-

(က)    နိုင်ငံတော်၏ စီးပွားရေးဦးတည်ချက်အား အထောက်အကူပြုမည့် အသုံးစရိတ်မူဝါဒ ချမှတ်ရေး၊

(ခ)    ပြည်သူ့ဘဏ္ဍာအရင်းအမြစ်များကို ထိရောက်အကျိုးရှိစွာခွဲဝေပေးရေး၊

(ဂ)     ပြည်သူလူထုအတွက် ချက်ချင်းလက်ငင်း အကျိုးပြုနိုင်မည့်အသုံးစရိတ်များကို ဦးစား ပေးအဆင့် သတ်မှတ်သုံးစွဲရန်နှင့် ထိရောက်အကျိုးရှိအောင် စနစ်တကျစီမံကြီးကြပ် ဆောင်ရွက်ရေး၊

(ဃ)    နိုင်ငံတော်၏ နိုင်ငံရေး၊ စီးပွားရေး၊ လူမှုရေးရည်မှန်းချက်များနှင့် ကိုက်ညီသော ပြည်သူ့ဘဏ္ဍာရေးစီမံခန့်ခွဲမှုစနစ်ဖော်ဆောင်ရေး။

ရည်မှန်းချက်နှင့်ဦးတည်ချက်

၂။       ရသုံးမှန်းခြေငွေစာရင်းဦးစီးဌာန၏ ရည်မှန်းချက်နှင့် ဦးတည်ချက်များမှာ အောက်ပါအတိုင်း ဖြစ်ပါသည်-

(က)    ဌာန၊အဖွဲ့အစည်းအသီးသီး၏ ဖွဲ့စည်းပုံရာထူးများတွင် ခန့်ထားခြင်းခံရသောဝန်ထမ်း များ၏ ဝန်ထမ်းရေးရာကိစ္စရပ်များနှင့်စပ်လျဉ်းသည့် အကျိုးခံစားခွင့်များ မှန်ကန် မျှတစွာရရှိစေရန်၊ ဌာန၊ အဖွဲ့အစည်းများ၏ ဘဏ္ဍာရေးနှင့်ပတ်သက်သည့်ကိစ္စရပ်များ ကို နည်းလမ်းတကျဖြစ်စေရေး ဥပဒေ၊ နည်းဥပဒေ၊ စည်းမျဉ်း၊ အမိန့်၊ ညွှန်ကြားချက် တို့နှင့်အညီ စိစစ်ညှိနှိုင်းဆောင်ရွက်ရန်နှင့် စည်းမျဉ်းများ၊ အမိန့်၊ ညွှန်ကြားချက်များကို ခေတ်နှင့်လျော်ညီစွာ ဖြည့်စွက်ခြင်း၊ ပြင်ဆင်ခြင်းတို့ကို ဆောင်ရွက်နိုင်ရေး၊

(ခ)     နိုင်ငံတော်၏ စီးပွားရေးရည်မှန်းချက်ကို အခြေခံပြီးရငွေ တိုးတက်ရှာဖွေနိုင်ရေး၊ ပညာရေး၊ ကျန်းမာရေးနှင့် စီးပွားရေးဖွံ့ဖြိုး တိုးတက်မှုကို မြှင့်တင်နိုင်မည့် ဦးစားပေး အသုံးစရိတ်များသုံးစွဲနိုင်ရေးနှင့် မလိုအပ်သောအသုံးစရိတ်များလျှော့ချနိုင်ရေးအတွက် ဘဏ္ဍာရေးစည်းမျဉ်းများချမှတ်ရာတွင် အထောက်အကူပြုနိုင်ရေး၊

(ဂ)     သက်ဆိုင်ရာဘဏ္ဍာရေးနှစ်များအတွက် ရငွေရရှိနိုင်မှုအပေါ် မူတည်၍ ထိရောက်သော အသုံးစရိတ်မူဝါဒများဖြင့် ဘတ်ဂျက်လိုငွေလျှော့ချနိုင်ရေးအတွက် အထောက်အကူပြုနိုင်ရေး၊

(ဃ)    ဘဏ္ဍာရေးမူဝါဒနှင့်ဘတ်ဂျက်ချိတ်ဆက်မှုဖြင့် ရငွေနှင့်ဂျီဒီပီအချိုး မြင့်မားလာနိုင်ခြင်းဖြင့် အသုံးစရိတ်နှင့်ဂျီဒီပီအချိုး မြှင့်တင်နိုင်ပြီးလိုငွေနှင့် ဂျီဒီပီအချိုးလျှော့ချနိုင်ခြင်းမှ တစ်ဆင့် ပြည်တွင်း၊ ပြည်ပကြွေးမြီနှင့် ဂျီဒီပီအချိုးအတွက် အထောက်အကူပြုနိုင်ရေး။

(င)     ခိုင်မာသည့် ပြည်သူ့ဘဏ္ဍာရေးစီမံခန့်ခွဲမှုစနစ်ကို ဖော်ဆောင်ရန်အတွက် စွမ်းရည် ပြည့်ဝသည့် နိုင်ငံဝန်ထမ်းများကို မွေးထုတ်ပေးရန် ရည်မှန်းချက်ဖြင့် စီမံကိန်းနှင့် ဘဏ္ဍာရေးဝန်ကြီးဌာန၊ရသုံးမှန်းခြေငွေစာရင်းဦးစီးဌာနအောက်တွင် ပြည်သူ့ဘဏ္ဍာရေး စီမံခန့်ခွဲမှုသင်တန်းကျောင်းကို ဖွင့်လှစ်နိုင်ရေး။