ASEAN Framework Agreement on the Facilitation of Goods in Transit သဘောတူစာချုပ်၏ Protocol-5 (ASEAN Scheme of Compulsory Motor Vehicle Insurance) နှင့် ပတ်သက်သည့် ဆောင်ရွက်နေမှုအခြေအနေ

  • ASEAN Framework Agreement on the Facilitation of Goods in Transit နှင့် GMS Cross Border Transport Agreement စာချုပ်များအရအာဆီယံနိုင်ငံများအပြင် တရုတ်၊ အိန္ဒိယနိုင်ငံများသို့ပါ နိုင်ငံဖြတ်သန်းကုန်စည် သယ်ပို့ရန်ရှိပါသဖြင့် နယ်စပ် ဝင်ပေါက်ထက် ကျော်လွန်၍ အခြားနိုင်ငံများအထိနိုင်ငံဖြတ်သန်းမည့် ကားများအတွက်ပါ ဆောင်ရွက်ရမည်ဖြစ်ပါသည်။
  • မြန်မာနိုင်ငံ၏ နယ်စပ်ဝင်ပေါက်စခန်းများဖြစ်သည့် တမူး၊ မြဝတီ၊ တာချီလိတ်နှင့် မူဆယ် မြို့များတွင် Third Party Compulsory Cover ကို ဆောင်ရွက်ပေးမည်ဖြစ်ပြီးတရုတ်၊ အိန္ဒိယနိုင်ငံများအထိ ဖြတ်သန်းနိုင်ရန် ဆောင်ရွက်လျက် ရှိနေပါသည်။
  • နိုင်ငံအသီးသီးမှ Blue Card ပုံစံကို အတည်ပြုပြီးပါက Protocol-5 ကို စတင် အကောင်အထည်ဖော်သွားမည်ဖြစ်ရာမြန်မာနိုင်ငံအနေဖြင့် Blue Card ပုံစံကိုအတည်ပြုပြီး ဖြစ်ပါသည်။
  • အာဆီယံအာမခံကောင်စီ (ASEAN Insurance Council-AIC) သို့ မြန်မာနိုင်ငံအနေဖြင့် ဝင်ရောက်ထားခြင်းမရှိသေးသော်လည်း နောင်တွင်ဝင်ရောက်ရန် စီစဉ်လျက်ရှိပြီး ပထမ ဦးဆုံးအနေဖြင့် မြန်မာနိုင်ငံအာမခံကောင်စီဖွဲ့စည်းရန် ဆောင်ရွက်လျက်ရှိနေပါသည်။
  • အာမခံအကာအကွယ်ကို Online မှတစ်ဆင့် ရောင်းချနိုင်ရန် ဆောင်ရွက်လျက်ရှိနေပြီ ဖြစ်ပြီး လက်ရှိတွင် Transit ​နေရာများတွင်သာ ရောင်းချပေးနိုင်ရန် စီစဉ်ဆောင်ရွက်လျက် ရှိနေပါသည်။ Blue Card ကို အတုမပြုလုပ်နိုင်ရန် ရည်ရွယ်၍ Web-based (Electronic Underwriting) ဖြင့် အသုံးပြုမည်ဖြစ်ရာ Transit ​နေရာများတွင် Internet Connection များကောင်းမွန်စေရန်အတွက် ဆောင်ရွက်လျက်ရှိနေပါသည်။
  • နယ်စပ်ဝင်ပေါက်များတွင် TPL Insurance Cover ဝယ်ယူမည်ဆိုပါက ယာဉ်နှင့် ပတ်သက်သော အထောက်အထားများ (Owner book၊ Wheel-tax၊ Driving License)သည် အဆင့်မီရမည်ဖြစ်ပါသည်။ သက်တမ်းအနေဖြင့် တစ်လသတ်မှတ်ထားပြီး မြန်မာနိုင်ငံ တစ်ခေါက်ဝင်လာချိန်တွင် အာမခံစတင်ပါသည်။ တစ်ခေါက် ထွက်သွားပြီးပါက နောက်ထပ် တစ်ခေါက်ထပ်ဝင်ရန် Premium နှုန်း ပြန်လည်ပေးဆောင်ရမည်ဖြစ်ပါသည်။ အာမခံနှုန်းထားများမှာ ယာဉ်အမျိုးအစားပေါ်မူတည်၍ (ကျပ် ၃၀၀၀၀၊ ကျပ် ၅၀၀၀၀၊ ကျပ် ၇၀၀၀၀) တို့ ဖြစ်ပါသည်။
  • ၁.၈.၂၀၁၆) ရက်နေ့မှစတင်ပြီး ယခင်လျော်ကြေးသတ်မှတ်ချက်များဖြစ်သော  လူတစ်ဦး ဒဏ်ရာရရှိခြင်းအတွက်-

လူတစ်ဦးသေဆုံးခြင်းအတွက် အများဆုံးလျော်ကြေး - ကျပ် ၅၀၀၀၀၀/- အစား ကျပ် ၁၀၀၀၀၀၀/-

လူတစ်ဦးသေဆုံးခြင်းအတွက် အများဆုံးလျော်ကြေး - ကျပ် ၅၀၀၀၀၀/- အစား ကျပ် ၁၀၀၀၀၀၀/-

ဖြစ်ရပ်တစ်ခုအတွက် အများဆုံးလျော်ကြေး- ကျပ် သိန်း ၄၀၀/- အစား ကျပ် သိန်း ၈၀၀/- သို့ ပြောင်းလဲသတ်မှတ်ခဲ့ပါသည်။

  • Customs Transit ကိစ္စများ အကောင်အထည်ဖော်ဆောင်ရွက်နိုင်ရန် ကညန၊ လဝက၊ အခွန် စသည့် ဌာနများဦးဆောင်၍ သက်ဆိုင်ရာဌာနအသီးသီးအလိုက် ကြိုတင် အစည်း အဝေးများ မကြာခဏပြုလုပ်လျက်ရှိပါသည်။
  • မြန်မာနိုင်ငံအနေဖြင့် Check Point များတွင် စစ်ဆေးမှုများ ဆောင်ရွက်နိုင်ရန် သက်ဆိုင်ရာအဖွဲ့အစည်းများနှင့် ချိတ်ဆက်မှုများ ပြုလုပ်ထားပြီးဖြစ်ပါသည်။
  • ပုံမှန်သွားလာမည့် Customer များအတွက် Short Term Policies အစား Annual Policies ထုတ်ပေးရန် နောင်တွင် ဆက်လက်ဆောင်ရွက်ပေးသွားမည် ဖြစ်ပါသည်။
  • မြန်မာ့အာမခံလုပ်ငန်းအနေဖြင့် Voluntary Insurance ကိုလက်ရှိတွင် မရောင်းချသေးဘဲ Compulsory Insurance ကိုသာရောင်းချပေးဦးမည် ဖြစ်ပါသည်။ သတ်မှတ်ထားသော Time Frame အတွင်းပြီးမြောက်အောင် ဆောင်ရွက်နိုင်ရန်အတွက် မြန်မာနိုင်ငံအနေဖြင့် အခြားအဖွဲ့ဝင်နိုင်ငံများနှင့် သဘောတူညီချက်များပြုလုပ်ရန် ကြိုးပမ်းလျက် ရှိသကဲ့သို့ နည်းပညာများပြင်ဆင်လျက် ရှိနေပါသည်။
  • ၁၄.၁၂.၂၀၁၆) ရက်နေ့တွင် ထိုင်းနိုင်ငံ၏ အာမခံကုမ္ပဏီဖြစ်သော Thai General Insurance Association – TGIA မှ မြန်မာ့အာမခံလုပ်ငန်း (ရုံးချုပ်) သို့ လာရောက် တွေ့ဆုံပြီးနယ်စပ်ဖြတ်ကျော်မော်တော်ယာဉ် အာမခံလုပ်ငန်းအား (၂) နိုင်ငံပူးပေါင်း ဆောင်ရွက်ကြရန် သဘောတူညီခဲ့ကြပါသည်။
  • နယ်စပ်ဖြတ်ကျော်မော်တော်ယာဉ်အာမခံ လက်ခံခြင်းနှင့် လျော်ကြေးပေးချေခြင်းများအား လျင်မြန်စွာဆောင်ရွက်နိုင်ရန် ရည်ရွယ်၍ အခြားအာဆီယံနိုင်ငံများနည်းတူ Online စနစ် ဖြင့် Data များသိမ်းဆည်းပြီး ယာဉ်ထိခိုက်မှုဖြစ်ပွားလာပါက သတင်းအချက်အလက်များ ကို အချိန်နှင့်တပြေးညီ သိရှိဆောင်ရွက်နိုင်စေရန် နယ်စပ်ရုံးခွဲများဖြစ်သော မြဝတီ၊ မူဆယ်၊ တာချီလိတ်နှင့် ကလေး(တမူး) မြို့များတွင် အင်တာနက်လိုင်းများတပ်ဆင်အသုံးပြုနိုင်ရန် စီစဉ်လျက်ရှိနေပါသည်။