_0.png)
ဗဟိုစာရင်းအင်းအဖွဲ့သည် UNDP နှင့် ပူးပေါင်း၍ စာရင်းအင်းဆိုင်ရာ ဦးစီးဌာန/ အဖွဲ့အစည်းများတွင် ဆောင်ရွက်လျက်ရှိသော စာရင်းအင်းဆိုင်ရာ လုပ်ငန်းစဉ်များနှင့် စပ်လျဉ်း၍ Readiness Assessment ပြုလုပ်နိုင်ရန်အတွက် ကြိုတင်လုပ်ငန်းညှိနှိုင်း အစည်းအဝေးကို ၂၀၁၉ ခုနှစ် ဧပြီလ ၃ ရက် ( ဗုဒ္ဓဟူးနေ့ ) နံနက် ၁၀:၀၀ နာရီ အချိန်တွင် ရုံးအမှတ် (၃၂)၊ ဗဟို စာရင်းအင်းအဖွဲ့၊ အစည်းအဝေးခန်းမ၌ ကျင်းပခဲ့ပါသည်။ အစည်းအဝေးကို ဗဟိုစာရင်းအင်း အဖွဲ့ ညွှန်ကြားရေးမှူးချုပ် ဦးဆန်းမြင့်မှ ဦးဆောင်ကျင်းပခဲ့ပြီး စာရင်းအင်းဆိုင်ရာ ဦးစီးဌာန/ အဖွဲ့အစည်းများ၊ မိတ်ဖက်အဖွဲ့အစည်းများမှ တာဝန်ရှိပုဂ္ဂိုလ်များနှင့် ဗဟိုစာရင်းအင်းအဖွဲ့ ဝန်ထမ်းများအပါအဝင် စုစုပေါင်း (၅၀) ဦး တက်ရောက်ခဲ့ပါသည်။
အစည်းအဝေးတွင် ဗဟိုစာရင်းအင်းအဖွဲ့၊ ညွှန်ကြားရေးမှူးချုပ် ဦးဆန်းမြင့်က အဖွင့် အမှာစကားပြောကြားရာတွင် စာရင်းအင်းဆိုင်ရာ ဦးစီးဌာန/အဖွဲ့အစည်းများအကြား Integrated Data Platform ဖြစ်ပေါ်လာနိုင်ရေး စာရင်းအင်းဆိုင်ရာ လုပ်ငန်းစဉ်များနှင့် စပ်လျဉ်း၍ Readiness Assessment ပြုလုပ်နိုင်ရန်အတွက် ကြိုတင်လုပ်ငန်း ညှိနှိုင်းအစည်းအဝေး ဖြစ်ပါ ကြောင်း၊ Decentralized National Statistical System ကို ကျင့်သုံးသည့် မြန်မာနိုင်ငံ အနေဖြင့် data dissemination platform များ တစ်ခုမက ဖြစ်နေသောကြောင့် ယခုအချိန် တွင်မှ Integrated data platform ကို မပြုလုပ်နိုင်လျှင် နောင်တွင် အလွန်ခက်ခဲသွားနိုင် ပါကြောင်း၊ Integrated data platform သည် data harmonization အတွက်လည်း ရည်ရွယ် ပါကြောင်း၊ Database များ အလွန်များပြားလာသောအခါ Integrated Data Platform ပြုလုပ်ရာတွင် အခက်အခဲ ဖြစ်လာနိုင်ကြောင်း၊ လက်ရှိတွင် MMSIS Website ၌ Data များကို ဗဟိုစာရင်းအင်းအဖွဲ့ရှိ သက်ဆိုင်ရာဌာနအလိုက် Data များကို Manual Update ပြုလုပ် နေရသောကြောင့် အချိန်နှောင့်နှေးကြန့်ကြာမှုများ ရှိပါကြောင်း၊ Harmonizing Data Platform ဖြစ်ပေါ်လာပါက မိမိတို့နှင့်ဆက်စပ်နေသော စာရင်းအင်းအဖွဲ့အစည်းများမှ Data များအား ၎င်းတို့ Website တွင် Update ပြုလုပ်ပါက MMSIS Website မှ ဝင်ရောက်၍ Update Data များအား ဆွဲယူသုံးနိုင်မည်ဖြစ်ပါကြောင်း၊ နည်းပညာပိုင်းအရ ဌာနများ၏ Website တွင် အသုံးပြုထားသောနည်းပညာနှင့် ယခု MMSIS Website တွင် အသုံးပြုမည့် နည်းပညာသည် Data များကို မည်မျှအတိုင်း အတာအထိ Integrated ပြုလုပ်နိုင်မည်ကို လေ့လာလိုပါကြောင်း၊ data dissemination platform များကို integrate ပြုလုပ်ရာတွင် IT နည်းပညာသာမက data flow and management system များကိုလည်း ထည့်သွင်း စဉ်းစားရမည် ဖြစ်ပါကြောင်း၊ ညှိနှိုင်းအစည်းအဝေး ဆောင်ရွက်ပြီးသည့်နောက် စာရင်းအင်း ဆိုင်ရာ ဦးစီးဌာန/အဖွဲ့အစည်းများသို့ သွားရောက်၍ Readiness Assessment ပြုလုပ် ဆွေးနွေးမှုများ ပြုလုပ်သွားမည် ဖြစ်ပါကြောင်းနှင့် Readiness Assessment ပြုလုပ်ရာတွင် သက်ဆိုင်ရာ ဦးစီးဌာန/အဖွဲ့အစည်းများမှ ပူးပေါင်းဆောင်ရွက်ပေးကြပါရန်နှင့် ပူးပေါင်း ဆောင်ရွက်မှုများအတွက် ကျေးဇူးတင်ရှိပါကြောင်း ပြောကြားခဲ့ပါသည်။
ထို့နောက် ဗဟိုစာရင်းအင်းအဖွဲ့နှင့် ပြည်သူ့အင်အားဉီးစီးဌာနတို့မှ မိမိတို့ဌာန၏ data dissemination platform ဆောင်ရွက်မှု အခြေအနေများကို တင်ပြကြပြီး UNDP နှင့် Koe Koe TechCo.,Ltd တို့မှ Harmonizing Data Platform ဖြစ်ပေါ်လာစေရေး Readiness Assessment ဆောင်ရွက်မည့် လုပ်ငန်းအကြောင်းအရာများကို ရှင်းလင်းတင်ပြခဲ့ကြပါသည်။ မိတ်ဖက်အဖွဲ့အစည်းများနှင့် တက်ရောက်လာကြသူများမှ အပြန်အလှန်ဆွေးနွေးပြောကြား ခဲ့ပြီး အစည်းအဝေးကို မွန်းလွဲ ၁၂:၄၅ နာရီအချိန်တွင် ရုတ်သိမ်းခဲ့ပါသည်။ (သတင်းစဉ်)
နေပြည်တော်၊ ဧပြီလ ၃ ရက်
, 