စဉ်ဆက်မပြတ်ဖွံ့ဖြိုးမှုနှင့် စီးပွားရေးလုပ်ငန်းအမျိုးမျိုးကို ပံ့ပိုးပေးမည့် ဦးစားပေး အခြေခံ အဆောက်အအုံများ တည်ဆောက်ရေး( Infrastructure and Road Access) လုပ်ငန်းအဖွဲ့ အစည်းအဝေးကျင်းပခြင်း

စဉ်ဆက်မပြတ်ဖွံ့ဖြိုးမှုနှင့် စီးပွားရေးလုပ်ငန်းအမျိုးမျိုးကို ပံ့ပိုးပေးမည့် ဦးစားပေး အခြေခံအဆောက်အအုံများ တည်ဆောက်ရေး(Infrastructure and Road Access) လုပ်ငန်းအဖွဲ့ အစည်းအဝေးကို ၂၀၁၈ ခုနှစ်၊ ဩဂုတ်လ (၁၆) ရက်နေ့တွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၂) အစည်းအဝေးခန်းမ၌ ကျင်းပရာ ဗဟိုစာရင်းအင်းအဖွဲ့ ဒုတိယ ညွှန်ကြားရေးမှူးချုပ် ဦးသန်းဇော်မှ  အဖွင့်အမှာစကား ပြောကြားခဲ့ပါသည်။

ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်မှ အဖွင့်အမှာစကား ပြောကြားရာတွင် ယခုကျင်းပသည့် အစည်းအဝေးသည် စဉ်ဆက်မပြတ်ဖွံ့ဖြိုးမှုနှင့် စီးပွားရေး လုပ်ငန်းအမျိုးမျိုးကို ပံ့ပိုးပေးမည့် ဦးစားပေး အခြေခံအဆောက်အဦများ တည်ဆောက်ရေး မဟာဗျူဟာ (၃.၆) အတွက် လုပ်ငန်းအဖွဲ့- ၇ (Infrastructure and Road Access ) ၏ လုပ်ငန်းအဖွဲ့ အစည်းအဝေးဖြစ်ပါကြောင်း၊ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက် ညီသော ဖွံ့ဖြိုးတိုးတက်မှု စီမံကိန်း (Myanmar Sustainable DevelopmentPlan-MSDP) မဟာဗျူဟာများ အောင်မြင်မှုကို Monitoring and Evaluation ဆောင်ရွက်နိုင်ရန် လိုအပ်လျက်ရှိသော Indicator များကို သက်ဆိုင်ရာ ဝန်ကြီးဌာန/ ဦးစီးဌာနများမှ ပူးပေါင်း ဖော်ထုတ်သွားရန် လိုအပ်ပါကြောင်း၊  Indicator များအနက် အချို့မှာ အဆင်သင့်ရှိပြီး အချို့မှာ ပြန်လည် တွက်ထုတ်ရမည်ဖြစ်၍ အချို့မှာ အသစ်ရှာဖွေရမည်ဖြစ်ကြောင်း၊ Indicator များ ရရှိလာအောင် မည်ကဲ့သို့ပံ့ပိုးကူညီဆောင်ရွက်ရမည်ကို စဉ်းစားရမည်ဖြစ်ပါကြောင်း၊ MSDP လုပ်ငန်းစဉ် တစ်လျှောက် မျက်ခြေမပြတ် စောင့်ကြည့်ရန်အတွက် အမျိုးသားညွှန်ကိန်း မူဘောင်ဖြင့် Monitoring and Evaluation  ဆောင်ရွက်ရမည်ဖြစ်ပါကြောင်း၊  MSDP ကို ပြုပြင်ပြောင်းလဲရန်မဟုတ်ဘဲ မူဘောင်အတွက် လိုအပ်နေသော Indicator များကို ဆွေးနွေး သွားရန် ဖြစ်ပါကြောင်း၊ Evidence-based ဖြစ်လာစေရေးအတွက် လိုအပ်သော Indicator များကို ဖော်ပြရာတွင် ပိုမိုရှင်းလင်းလွယ်ကူရန် လိုအပ်ပါကြောင်း၊ Indicator များကောင်းမွန်စွာ ပေါ်ထွက်လာစေရေးအတွက် ဝိုင်းဝန်းဆွေးနွေးပေးကြစေလိုပါကြောင်း ပြောကြားခဲ့ပါသည်။ ထို့နောက် သက်ဆိုင်ရာဌာန များမှ လုပ်ငန်းအဖွဲ့ (၇) အစည်းအဝေးသို့ တက်ရောက်လာ သူများမှ  အုပ်စုအလိုက် ဝိုင်းဝန်း ဆွေးနွေးကာ Presentation များ ပြုလုပ်ခဲ့ကြပါသည်။

အစည်းအဝေးသို့ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုး တိုးတက်မှု စီမံကိန်း (Myanmar Sustainable Development Plan-MSDP) အကောင်အထည်ဖော်ဆောင်ရေး နည်းပညာအဖွဲ့များမှ လုပ်ငန်းအဖွဲ့ (၇) နှင့် သက်ဆိုင်သည့်ဌာန များမှ အဖွဲ့ဝင် စုစုပေါင်း (၅၀) ဦးခန့် တက်ရောက်ခဲ့ကြပါသည်။ (သတင်းစဉ်)

၂၀၁၈ ခုနှစ်၊ ဩဂုတ်လ (၁၆) ရက်၊ နေပြည်တော်