![](http://www.mopf.gov.mm/sites/default/files/sites/default/files/1_169.jpg)
စီမံကိန်းနှင့်ဘဏ္ဍာရေးဝန်ကြီးဌာန အမျိုးသားမှတ်တမ်းများမော်ကွန်းတိုက်ဦးစီးဌာန၏ ၂၀၂၄-၂၀၂၅ ဘဏ္ဍာရေးနှစ် လုပ်ငန်းညှိနှိုင်း အစည်းအဝေးကို (၃၀-၄-၂၀၂၄) နံနက်(၁၀)နာရီတွင် (ဘီ)ဆောင် အစည်းအဝေးခန်းမ၌ ကျင်းပခဲ့ပါသည်။ အစည်းအဝေးတွင် အမျိုးသားမှတ်တမ်းများမော်ကွန်းတိုက်ဦးစီးဌာန ယာယီတွဲဘက် ညွှန်ကြားရေးမှူးချုပ် ဦးရဲညွန့်က ပြည်ထောင်စုဝန်ကြီးဌာန ၁/၂၀၂၄-၂၀၂၅ ကြိမ်မြောက်စီမံခန့်ခွဲမှု ကော်မတီအစည်းအဝေးတွင် ပြည်ထောင်စုဝန်ကြီးနှင့် ဒုတိယဝန်ကြီးများ၏ လမ်းညွှန်ချက်များကို ပြောကြားခဲ့ပြီးဌာနခွဲ၊ ရုံးခွဲများမှ တင်ပြသည့် လုပ်ငန်းများအပေါ်တွင် လိုအပ်သည်များကို ပေါင်းစပ်ညှိနှိုင်းပေးခဲ့ပါသည်။ ဆက်လက်၍ ညွှန်ကြားရေးမှူးချုပ်သည် အမျိုးသားမှတ်တမ်းများမော်ကွန်းတိုက်ဦးစီးဌာန ရုံးအဆောက်အဦများနှင့် မော်ကွန်းပြခန်းတို့ကို စစ်ဆေးကြည့်ရှုပြီး မော်ကွန်းပြခန်းအဆင့်မြှင့်တင်မှုများ ဆောင်ရွက်ရန်နှင့် အဆောက်အဦထိန်းသိမ်းမှုလုပ်ငန်းများကို အဖွဲ့ဖွဲ့၍ စစ်ဆေးဆောင်ရွက်သွားရန် ညွှန်ကြားခဲ့ပါသည်။