_0.png)
နေပြည်တော်၊ ဇန်နဝါရီ ၃
(၇၅) နှစ်မြောက် စိန်ရတုလွတ်လပ်ရေးနေ့ အခမ်းအနားတွင် ပါဝင် ဆောင်ရွက်မည့် စီမံကိန်းနှင့်ဘဏ္ဍာရေးဝန်ကြီးဌာနမှ ဝန်ထမ်းများနှင့် တွေ့ဆုံပွဲ အခမ်းအနားကို ၂၀၂၃ ခုနှစ်၊ ဇန်နဝါရီလ ၃ ရက်တွင် နေပြည်တော်၊ ရုံးအမှတ် (၃၂) အစည်းအဝေးခန်းမ၌ ကျင်းပရာ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးဝင်းရှိန် တက်ရောက်၍ အမှာစကားပြောကြားသည်။
ဝန်ထမ်းများနှင့်တွေ့ဆုံစဉ် ပြည်ထောင်စုဝန်ကြီးက ၂၀၂၃ ခုနှစ်၊ ဇန်နဝါရီလ (၄) ရက်နေ့တွင် ကျရောက်မည့် (၇၅)နှစ်မြောက် စိန်ရတုလွတ်လပ်ရေးနေ့သည် ကြုံတောင့်ကြုံခဲ နေ့ထူးနေ့မြတ်ဖြစ်ပြီး ဂုဏ်ပြုအခမ်းအနားတွင် ပါဝင်ဆောင်ရွက် ခွင့်ရသည့်အတွက် ဂုဏ်ယူဖွယ်ရာကောင်းကြောင်း၊ (၇၅)နှစ်မြောက်စိန်ရတု လွတ်လပ်ရေးနေ့ အမျိုးသားရေးဦးတည်ချက်များ အောင်မြင်အောင် တက်ညီ လက်ညီ ဝိုင်းဝန်းကြိုးပမ်းဆောင်ရွက်သွားကြရန် မှာကြားလိုကြောင်း၊ ဂုဏ်ပြု အခမ်းအနားတွင် တက်တက်ကြွကြွ ပါဝင်ဆောင်ရွက်နေကြသည့် ဝန်ထမ်းအားလုံး ကိုကျေးဇူးတင်ရှိကြောင်း၊ ကိုယ်စိတ်နှစ်ပါး ကျန်းမာကြံ့ခိုင်စွာဖြင့် အဖွဲ့အစည်းနှင့် ပါဝင်ဆောင်ရွက်ရာတွင်ရရှိသည့် အတွေ့အကြုံကောင်းများ၊ အလေ့အကျင့်ကောင်း များကိုရယူ၍ နိုင်ငံ့တာဝန်ကို ဆတက်ထမ်းပိုး ကြိုးပမ်းဆောင်ရွက်သွားကြရန် တိုက်တွန်းလိုကြောင်း ပြောကြားသည်။
ယင်းနောက် ပြည်ထောင်စုဝန်ကြီး၊ ဒုတိယဝန်ကြီးများနှင့် ဌာနအကြီးအကဲ များက ဝန်ထမ်းများနှင့်ရင်းရင်းနှီးနှီးအတူတကွ လက်ဖက်ရည်နှင့်မုန့်များသုံးဆောင် ကြကြောင်း သတင်းရရှိသည်။
သတင်းစဉ်