မြန်မာနိုင်ငံတွင် အမျိုးသားစာရင်းအင်းစနစ် ဖွံ့ဖြိုးတိုးတက်ရေး စီမံချက်နှင့်စပ်လျဉ်း၍ ISTAT Mission အဖွဲ့ နှင့် ရှေ့ဆက်ဆောင်ရွက်မည့် လုပ်ငန်းများအတွက် လိုအပ်သည့်နယ်ပယ်များကို အတူတကွ ညှိနှိုင်းသတ်မှတ်သည့် အစည်းအဝေး

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ နှင့်  ISTAT Mission အဖွဲ့တို့ ပူးပေါင်း၍ မြန်မာနိုင်ငံ၏ အမျိုးသားစာရင်းအင်းစနစ် ဖွံ့ဖြိုးတိုးတက်ရေးအတွက် အကောင်အထည် ဖော်ဆောင်ရာတွင် စွမ်းဆောင်ရည်ပြည့်ဝစွာ အကောင်အထည်ဖော်ဆောင်ရွက်နိုင်ရေးနှင့် စပ်လျဉ်း၍ ရှေ့ဆက်ဆောင်ရွက်မည့် လုပ်ငန်းများအတွက် လိုအပ်သည့်နယ်ပယ်များ ညှိနှိုင်းသတ်မှတ်ရန်အတွက် အစည်းအဝေးကို၂၀၁၈ခုနှစ်၊ မေလ (၇) ရက်နေ့ ၊ နံနက် (၁၁:၀၀) နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့၊  ရုံးအမှတ် (၃၂)ရှိ အစည်းအဝေးခန်းမ၌ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ ဦးဆောင်ကျင်းပခဲ့ပါသည်။

အစည်းအဝေးသို့ ဗဟိုစာရင်းအင်းအဖွဲ့မှ ညွှန်ကြားရေးမှူးများ နှင့် အဖွဲ့၊ ISTAT Mission အဖွဲ့မှ Ms. Angela Ferruzza၊ Ms. Roberta Fontana ၊ Ms. Tiziana Pellicciotti နှင့် Ms. Anna Chiara Leardi တို့တက်ရောက်ခဲ့ကြပါသည်။       (သတင်းစဉ်)