စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း မြန်မာနိုင်ငံဆိုင်ရာ ဖင်လန်နိုင်ငံ သံအမတ်ကြီးအား လက်ခံတွေ့ဆုံ

   စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်းသည် မြန်မာနိုင်ငံဆိုင်ရာ ဖင်လန်နိုင်ငံ သံအမှတ်ကြီး H.E.Ms. Riikka Laatu အား  ယနေ့ မွန်းလွဲ(၁၄:၁၅ )နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ်(၂၆)၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။

  ထိုသို့တွေ့ဆုံရာတွင် မြန်မာ-ဖင်လန် နှစ်နိုင်ငံ စီးပွားရေးပူးပေါင်းဆောင်ရွက်မှုဆိုင်ရာ ကိစ္စရပ်များ၊ ငြိမ်းချမ်းရေးနှင့် နိုင်ငံတော် ပြည်လည်တည်ဆောက်ရေး လုပ်ငန်းစဉ်များတွင် အထောက်အကူပြုမည့် လုပ်ငန်း ဆောင်ရွက်ချက်ဆိုင်ရာ ကိစ္စရပ်များ၊ သဘာဝပတ်ဝန်းကျင်နှင့် အရင်းအမြစ်များ စီမံခန့်ခွဲရေး ကဏ္ဍဆိုင်ရာ ကိစ္စရပ်များ၊ Finland’s Public Sector Investment Facility (PIF) သဘောတူညီမှု အတွက် အပြီးသတ် ဆွေးနွေးလိုခြင်းဆိုင်ရာ ကိစ္စရပ်များ၊ ပညာရေးကဏ္ဍနှင့် လျှပ်စစ်ဓါတ်အား ထုတ်လုပ်ရေး ကဏ္ဍဆိုင်ရာ ကိစ္စရပ်များနှင့် စပ်လျဉ်း၍ ဆွေးနွေးခဲ့ကြသည်။

   တွေ့ဆုံပွဲသို့ စီမံကိန်းနှင့်ဘဏ္ဍာရေးဝန်ကြီးဌာနမှ ညွှန်ကြားရေးမှူးချုပ်နှင့်  သက်ဆိုင်ရာဌာနများမှ တာဝန်ရှိသူများ  တက်ရောက်ခဲ့ကြကြောင်း သတင်းရရှိသည်။

(သတင်းစဉ်)