_0.png)
စီမံကိန်းနှင့် ဘဏ္ဍာရေးဝန်ကြီးဌာန ဝန်ထမ်းများ စွမ်းဆောင်ရည် ပိုမိုဖွံ့ဖြိုး တိုးတက်စေရန် ရည်ရွယ်၍ “Promoting Accountability and Responsibility in Public Service” နှင့် စပ်လျဉ်းသည့် ဟောပြောပွဲ တစ်ရပ်ကို အမျိုးသားမှတ်တမ်းများ မော်ကွန်းတိုက်ဦးစီးဌာန၊ စုပေါင်းအစည်းအဝေးခန်းမ၌ ယနေ့နံနက် ၉ နာရီတွင် ကျင်းပ ခဲ့သည်။
ရှေးဦးစွာ ပြည်ထောင်စုဝန်ကြီး ဦးစိုးဝင်းက အဖွင့်အမှာစကားပြောကြားပြီးနောက် ပါမောက္ခ ဒေါက်တာအောင်ထွန်းသက်က Promoting Accountability and Responsibility in Public Service နှင့် စပ်လျဉ်း၍ ဟောပြောဆွေးနွေးခဲ့ရာ တက်ရောက် လာသူများမှ သိရှိလိုသည်များကို မေးမြန်းခဲ့ကြသည်။
ဟောပြောဆွေးနွေးပွဲသို့ ပြည်ထောင်စုဝန်ကြီး၊ ဒုတိယဝန်ကြီး ဦးမောင်မောင်ဝင်း၊ အမြဲတမ်းအတွင်းဝန်၊ ဝန်ကြီးဌာနရှိ ဦးစီးဌာနနှင့် လုပ်ငန်း/အဖွဲ့အစည်းများမှ ဦးဆောင် ညွှန်ကြားရေးမှူးများ၊ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ စုစုပေါင်း (၂၆၀)ဦး တက်ရောက်ခဲ့ပြီး နံနက် ၁၁:၄၅ နာရီတွင် အောင်မြင်စွာ ကျင်းပပြီးစီးခဲ့ကြောင်း သတင်းရရှိပါသည်။
(သတင်းစဉ်)
နေပြည်တော်၊ ဇွန် ၂၆
, 