အာဆီယံအရင်းအနှီးဈေးကွက်ဖိုရမ် ဒုတိယအကြီးအကဲအစည်းအဝေးတက်ရောက်

အာဆီယံအရင်းအနှီးဈေးကွက်ဖိုရမ် ဒုတိယအကြီးအကဲများအစည်းအဝေးကို ၂၅-၉-၂၀၂၃ ရက် (တနင်္လာနေ့) မြန်မာစံတော်ချိန် နံနက် ၇:၃၀ နာရီတွင် Virtual စနစ်ဖြင့်ကျင်းပရာ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံးမှ ညွှန်ကြားရေးမှူးချုပ် ဦးဆောင်သောကိုယ်စားလှယ်အဖွဲ့တက်ရောက်ခဲ့ပါသည်။

အဆိုပါအစည်းအဝေးကို ၂၀၂၃ ခုနှစ်၊ ACMF အလှည့်ကျဥက္ကဋ္ဌ၊ အင်ဒိုနီးရှားနိုင်ငံ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်မှ အစည်းအဝေးသဘာပတိအဖြစ်ဆောင်ရွက်ပြီး ပူးတွဲသဘာပတိအဖြစ်ဆောင်ရွက်ပြီး ပူးတွဲသဘာပတိအဖြစ် လာအိုနိုင်ငံ၊ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်က ဆောင်ရွက်ကြပါသည်။

အစည်းအဝေးတွင် အာဆီယံအရင်းအနှီးဈေးကွက်ဖိုရမ်လမ်းပြမြေပုံပါ ရည်မှန်းချက်များဖြစ်သည့် အာဆီယံအစိမ်းရောင်ဘဏ္ဍာရေးအတွက် အသွင်ကူးပြောင်းမှုဆိုင်ရာ ရန်ပုံငွေလမ်းညွှန်ချက်၊ ကာဗွန်ဈေးကွက်ဖော်ဆောင်ရေးလေ့လာမှု၊ ASEAN Taxonomy Version ရေးဆွဲမှုအပေါ် ဈေးကွက်တွင်ပါဝင်သူများ၏တုံ့ပြန်ချက်နှင့် ထပ်မံဖြည့်စွက်ရေးဆွဲမည့်အခြေအနေ၊ အာဆီယံအရင်းအနှီးဈေးကွက်ဖွံ့ဖြိုးတိုးတက်ရေးအစီအစဉ်နှင့်လုပ်ငန်းစဉ်များ၊ နိုင်ငံတကာစံချိန်စံညွှန်းနှင့်အညီ ဖွင့်ဟထုတ်ဖော်မှုဖြစ်ပေါ်လာစေရေး IFRS Foundation နှင့် ပူးပေါင်းဆောင်ရွက်မှုအခြေအနေ၊ ဒစ်ဂျစ်တယ်ပိုင်ဆိုင်မှုအား စည်းမျဉ်းထိန်းကျောင်းမှုများကို အမြင်ချင်းဖလှယ်ကြပါသည်။

အဆိုပါ အစည်းအဝေးသို့ အာဆီယံ ၁၀ နိုင်ငံရှိ အရင်းအနှီးဈေးကွက် စည်းမျဉ်းထိန်းကျောင်းသည့် အဖွဲ့အစည်းများ၊ အာရှဖွံ့ဖြိုးရေးဘဏ်၊ Sustainable Finance Institute of Asia (SFIA) တို့မှ ကိုယ်စားလှယ်စုစုပေါင်း ၁၀၅ ဦးတက်ရောက်ခဲ့ပါသည်။