စာရင်းဝင်အကြိုဈေးကွက် Roundtable Discussion ကျင်းပ

စာရင်းဝင်အကြိုဈေးကွက် (Pre-Listing Board-PLB) ဆိုင်ရာ Roundtable Discussion ကို ၈-၉-၂၀၂၃ ရက် (သောကြာနေ့) နံနက် ၁၀:၀၀ နာရီတွင် ရန်ကုန်စတော့အိပ်ချိန်း၌ကျင်းပသည်။

အခမ်းအနားတွင် ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်အတွင်းရေးမှူး ဦးကြည်ဇင်ထွန်းမှ အဖွင့်အမှာစကားပြောကြားပြီး ရန်ကုန်စတော့အိပ်ချိန်းအမှုဆောင်အကြီးတန်းမန်‌နေဂျာ ဦးသက်ထွန်းဦးက ရန်ကုန်စတော့အိပ်ချိန်း၏ ဒုတိယဈေးဖြစ်သည့် စာရင်းဝင်အကြိုဈေးကွက် (Pre-Listing Board-PLB) နှင့်စပ်လျဉ်း၍ ရှင်းလင်းပါသည်။

ထို့နောက် ဆွေးနွေးတက်ရောက်လာသည့် အများပိုင်ကုမ္ပဏီများက သိရှိလိုသည်များကိုမေးမြန်းခဲ့ရာ တာဝန်ရှိသူများကပြန်လည်ရှင်းလင်းဖြေကြားပြီး အခမ်းအနားကိုမွန်းလွဲပိုင်းတွင် ရုပ်သိမ်းလိုက်သည်။

အခမ်းအနားသို့ ငွေချေးသက်သေခံလက်မှတ်လုပ်ငန်းကြီးကြပ်ရေးကော်မရှင်ရုံး၊ ရန်ကုန်စတော့အိပ်ချိန်း၊ ငွေချေးသက်သေခံလက်မှတ်ကုမ္ပဏီများနှင့် ဖိတ်ကြားထားသည့် အများပိုင်ကုမ္ပဏီများမှတာဝန်ရှိသူများတက်‌ရောက်ကြသည်။