မြန်မာ့အာမခံလုပ်ငန်း၊  မြင်းခြံခရိုင်ရုံး၏ အာမခံအကြောင်းသိကောင်းစရာ ဆွေးနွေး ဟောပြောပွဲကို (၃၀-၁၀-၂၀၁၇)ရက်နေ့ နံနက်(၁၀:၀၀)နာရီအချိန်တွင် မြင်းခြံမြို့၊ မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ရာ ရပ်ကွက်/ကျေးရွာ အုပ်ချုပ်ရေးမှူးများနှင့် ရပ်ကွက်ကျေးရွာအထွေထွေအုပ်ချုပ်ရေး စာရေးဝန်ထမ်းများ စုစုပေါင်း(၁၀၀)ဦးခန့်တက်ရောက်ကြပါသည်။

အဆိုပါဟောပြောပွဲတွင် မြင်းခြံခရိုင်ရုံးတာဝန်ခံ ဒေါ်ခင်မျိုးသီမှ နိုင်ငံတော်ပိုင် မြန်မာ့အာမခံ လုပ်ငန်းမှ ဆောင်ရွက်လျက်ရှိသော ပြည်သူ့ဝန်ထမ်းအသက်အာမခံ၊ သူတစ်ပါးထိခိုက်မှုအာမခံ၊ မီးနှင့်အမျိုးမျိုးအာမခံ၊ ခရီးသွားအာမခံနှင့် မြွေအန္တရာယ်အာမခံ၊ တောင်သူလယ်သမား အသက်အာမခံအကြောင်းများကို အသေးစိတ်ရှင်းလင်းဟောပြောခဲ့ပါသည်။