မြန်မာ့အာမခံလုပ်ငန်း၊ စစ်ကိုင်းတိုင်းဒေသကြီး၊ မုံရွာရုံးခွဲမှ ဒုတိယတာဝန်ခံနှင့် ဝန်ထမ်း(၂)ဦး တို့သည် အာမခံလုပ်ငန်း အသိပညာပေးဟောပြောပွဲကို (၂၃-၃-၂၀၁၉) ရက်နေ့ နံနက် (၉:၀၀)နာရီတွင် ယင်းမာပင်ခရိုင်၊ ကနီမြို့ မြို့တော်ခန်းမ၌ ကျင်းပခဲ့ရာ တက်ရောက်သူဦးရေ (၁၀၀)ကျော်ခန့် တက်ရောက်ခဲ့ကြပါသည်။

အဆိုပါဟောပြောပွဲတွင် တိုင်းဒေသကြီး ဒုတိယတာဝန်ခံမှ အသက်အာမခံလုပ်ငန်းနှင့် ပတ်သက်၍ ကျန်းမာရေးအာမခံ၊ မြွေအန္တရာယ်အာမခံ၊ တောင်သူလယ်သမားအသက်အာမခံ၊ ပြည်သူ့ဝန်ထမ်းကာလတို အသက်အာမခံနှင့် နှစ်တိုငွေပင်ငွေရင်း အသက်အာမခံထားရှိရေး၊ အလုံးစုံမော်တော်ယာဉ်၊ ကား၊ ဆိုင်ကယ်အာမခံထားရှိရေးနှင့် အကျိုးခံစားခွင့်များအကြောင်း၊ သူတစ်ပါးထိခိုက်မှုအာမခံပရီမီယံပေးသွင်းရခြင်းအကြောင်းနှင့် အကျိုးခံစားခွင့်ပေးချေနေမှု အခြေအနေများ၊ မီးအာမခံ၊ ခရီးသွားအာမခံလုပ်ငန်းများအကြောင်း၊ အကျိုးခံစားခွင့်ရရှိပုံများ နှင့် အာမခံထားရှိခြင်း အကျိုး​ကျေးဇူးတို့ကို အသေးစိတ်ရှင်းလင်း​ဟောပြောခဲ့ပါသည်။