မြန်မာ့အာမခံလုပ်ငန်း၊ မန္တလေးတိုင်းဒေသကြီးရုံး၏ အာမခံလုပ်ငန်းအသိပညာပြန့်ပွားရေး ဟောပြောပွဲကို (၁၃-၃-၂၀၁၉) ရက်နေ့ နံနက် (၁၀:၀၀)နာရီအချိန်တွင် မန္တလေးမြို့၊ ရတနာပုံစျေး ဒုတိယထပ်ရှိ ရတနာမော်လ် အစည်းအဝေးခန်းမ၌ကျင်းပခဲ့ရာ ရတနာမော်လ်မှ အထွေထွေမန်နေဂျာ ဦးကိုကိုမောင်၊ လက်ထောက်အထွေထွေမန်နေဂျာ ဦးရန်နောင်စိုးနှင့် အရာထမ်း/ဝန်ထမ်းများ စုစုပေါင်း (၄၀)ဦး တက်ရောက်ခဲ့ ကြပါသည်။

အဆိုပါဟောပြောပွဲတွင် တိုင်းဒေသကြီးတာဝန်ခံမှ ပြည်သူ့ဝန်ထမ်း၊ အသက်အာမခံ (ကာလရှည်)၊ နိုင်ငံဝန်ထမ်းအသက်အာမခံ(ကာလတို)၊  သူတစ်ပါးထိခိုက်မှုအာမခံလုပ်ငန်း၊ အလုံးစုံမော်တော်ယာဉ်အာမခံလုပ်ငန်း၊ မီးနှင့်အမျိုးမျိုးအာမခံလုပ်ငန်း၊ ရေကြောင်းကုန်ပစ္စည်း အာမခံလုပ်ငန်း၊ ခရီးသွားအာမခံလုပ်ငန်းနှင့် ကျန်းမာရေးအာမခံလုပ်ငန်းများအကြောင်း အကျယ်တဝင့် ရှင်းလင်းပြောကြားခဲ့ ပါသည်။