(၁၄-၇-၂၀၁၇)ရက်နေ့၊ မွန်းလွဲ(၃:၀၀)နာရီတွင် ရန်ကုန်တိုင်းဒေသကြီးအစိုးရအဖွဲ့ရုံး တွင် YBS(၅၅)မှ YBS(၃၇)သို့ ဝင်ရောက်တိုက်မိရာမှ ခရီးသည်(၁၀)ဦး သေဆုံးခြင်းအတွက် အကျိုးခံစားခွင့်ရှိသူ မိသားစုဝင်များအား YRTA(Yangon Region Transport Authority) ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့မှတစ်ဆင့် သွားရောက် ပေးအပ်ခဲ့ပါသည်။ ယင်းအခမ်းအနားသို့ မြန်မာ့အာမခံလုပ်ငန်းမှ အထွေထွေ မန်နေဂျာ ဦးခင်မောင်ဝင်းနှင့် အရာထမ်း၊ ဝန်ထမ်းများ တက်ရောက်ခဲ့ပါသည်။

          ယင်းဖြစ်စဉ်မှာ (၇-၇-၂၀၁၇)ရက်နေ့၊ မွန်းလွဲ(၂:၀၀)နာရီခန့်က မင်္ဂလာဒုံမြို့နယ်၊ ထောက်ကြန့်ပျဉ်းမပင်ကျေးရွာအုပ်စု၊ ရွှေညောင်ပင်ဘိုးဘိုးကြီး၊ နတ်နန်းဟောင်းရှေ့တွင် မှော်ဘီမှ ရန်ကုန်သို့မောင်းနှင်လာသော YBS (၅၅)ခရီးသည်တင်ယာဉ်သည် တိုက်ရော့ပြုတ် ကာ အရှိန်မထိန်းနိုင်ဘဲ တဖက်ယာဉ်ကြောမှ YBS (၃၇)အား တိုက်မိခြင်းအတွက် ခရီးသည် (၁၀)ဦး သေဆုံးပြီး (၂၀)ဦး ဒဏ်ရာရရှိခဲ့ရာ သေဆုံးသူ ခရီးသည် (၁၀)ဦးအတွက် ကာယကံရှင် မိသားစုများသို့ အချိန်နှင့်တပြေးညီ (၁၄-၇-၂၀၁၇)ရက်နေ့တွင် ပေးအပ်နိုင်ခဲ့ပြီး၊ ဒဏ်ရာရရှိသူ များအတွက် အကျိုးခံစားခွင့်များကို ပြည်သူ့ဆေးရုံမှ ဆေးအစီရင်ခံစာများဖြင့် အမြန်ဆုံး ပေးအပ်နိုင်ရေးအတွက် စီစဉ်ဆောင်ရွက်ပေးသွားမည်ဖြစ်ပါသည်။