_0.png)
စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်း၏ ပြည်နယ်/တိုင်းဒေသကြီး များနှင့် ခရိုင်ရုံးများ၏ ၂၀၁၇-၂၀၁၈ ဘဏ္ဍာရေးနှစ် လုပ်ငန်းဆောင်ရွက်ခဲ့မှုများ သုံးသပ်ခြင်းနှင့် ၂၀၁၈-၂၀၁၉ ဘဏ္ဍာရေးနှစ် ရှေ့ဆက်လက်ဆောင်ရွက်မည့် လုပ်ငန်းညှိနှိုင်းအစည်းအဝေးကို မြန်မာ့အာမခံလုပ်ငန်းရုံးချုပ်တွင် (၁၁-၅-၂၀၁၈) ရက်နေ့မှ (၁၂-၅-၂၀၁၈) ရက်နေ့ နံနက် (၉:၀၀) နာရီမှ ညနေ (၅:၀၀) နာရီအထိကျင်းပရာ မြန်မာ့အာမခံလုပ်ငန်း၊ ဦးဆောင်ညွှန်ကြားရေးမှူး ဒေါက်တာစန္ဒာဦးနှင့် ဌာနအကြီးအကဲများ၊ ပြည်နယ်/တိုင်း ဒေသကြီးနှင့် ခရိုင်ရုံးတာဝန်ခံများ၊ ရုံးချုပ်မှ အရာထမ်းများတက်ရောက်ခဲ့ပါသည်။
ယင်းအခမ်းအနားတွင် ဦးဆောင်ညွှန်ကြားရေးမှူးက အဖွင့်အမှာစကားပြောကြား၍ သက်ဆိုင်ရာ ပြည်နယ်/တိုင်းဒေသကြီးနှင့် ခရိုင်တာဝန်ခံများက သက်ဆိုင်ရာဌာနအလိုက် လုပ်ငန်းများဖြစ်သော အသက်အာမခံ၊ မီးအာမခံ၊ သူတစ်ပါးထိခိုက်မှုအာမခံ၊ ရေ/လေ ခရီးသွားအာမခံ၏ လုပ်ငန်းအသီးသီးဆောင်ရွက်ထားရှိမှုများနှင့် ၂၀၁၈-၂၀၁၉ ဘဏ္ဍာရေးနှစ် ရှေ့ဆက် ဆောင်ရွက်မည့် လုပ်ငန်းများကို ဆွေးနွေးညှိနှိုင်းကြပြီး လုပ်ငန်းအလိုက် ဝင်ငွေအများဆုံးရရှိမှု၊ ဘက်စုံထူးချွန်ဆုရရှိမှုများအတွက် သက်ဆိုင်ရာတာဝန်ခံများအား ဆုအသီးသီး ချီးမြှင့်ကာ လုပ်ငန်းရှာဖွေမှုတွင် တက်တက်ကြွကြွ ပူးပေါင်းဆောင်ရွက်ပေးကြသော အာမခံလုပ်ငန်းကိုယ်စားလှယ်ကြီးများကိုလည်း ဂုဏ်ပြုဆုများချီးမြှင့်ခဲ့ပါသည်။
