မြန်မာ့အာမခံလုပ်ငန်း၊ မန္တလေးတိုင်းဒေသကြီးရုံး၏ အာမခံလုပ်ငန်းအကြောင်း အသိပညာ ပြန့်ပွားရေးဟောပြောပွဲကို (၁၃-၂-၂၀၁၉) ရက်နေ့ နေ့လည် (၁၅:၀၀) နာရီအချိန်တွင် ပညာရေး ဝန်ကြီးဌာန၊ အ​ခြေခံပညာဦးစီးဌာန၊ မန္တလေးတိုင်းဒေသကြီး ပညာရေးမှူးရုံး အစည်းအဝေး ခန်းမ၌ ကျင်းပရာ မန္တလေးတိုင်းဒေသကြီးပညာရေးမှူးရုံးမှ ညွှန်ကြားရေးမှူး၊ ဒုတိယ ညွှန်ကြားရေးမှူး၊ လက်ထောက်ညွှန်ကြားရေးမှူးနှင့် အရာထမ်း/အမှု့ထမ်း စုစုပေါင်း(၁၀၀)ဦး တက်ရောက်ခဲ့ပြီး နိုင်ငံဝန်ထမ်းအသက်အာမခံ(ကာလတို) ထားရှိရန်အတွက် စည်းရုံးလက်ခံ ဆောင်ရွက်ခဲ့ပါသည်။

အဆိုပါဟောပြောပွဲတွင် တိုင်းဒေသကြီးတာဝန်ခံမန်နေဂျာမှ ပြည်သူ့ဝန်ထမ်းအသက်အာမခံ (ကာလရှည်)၊ နိုင်ငံဝန်ထမ်းအသက်အာမခံ (ကာလတို)၊ ကျန်းမာရေးအာမခံလုပ်ငန်း၊ သူတစ်ပါးထိခိုက်မှုအာမခံလုပ်ငန်း၊ အလုံးစုံမော်တော်ယာဉ်အာမခံလုပ်ငန်း၊ မီးအာမခံလုပ်ငန်း၊ ရေကြောင်းကုန်ပစ္စည်းအာမခံလုပ်ငန်းနှင့် ခရီးသွားအာမခံလုပ်ငန်းများအကြောင်းအား အကျယ်တဝင့်ရှင်းလင်းပြောကြားခဲ့ပြီး မေးမြန်းမှုများကို ပြန်လည်ရှင်းလင်းခဲ့ပါသည်။