မြန်မာ့အာမခံလုပ်ငန်း၊ မန္တလေးတိုင်းဒေသကြီးရုံးမှ အာမခံလုပ်ငန်းအကြောင်း အသိပညာ ပြန့်ပွားရေးဟောပြောပွဲကို (၂၉-၁-၂၀၁၉) ရက်နေ့ နေ့လည် (၁၄:၀၀) နာရီအချိန်တွင် ကျောက်ဆည်ခရိုင်၊ လျှပ်စစ်နှင့်စွမ်းအင်ဝန်ကြီးဌာန၊ ရဲရွာရေအားလျှပ်စစ်ဓာတ်အားပေးစက်ရုံ အစည်းအဝေးခန်းတွင် ကျင်းပရာ ရဲရွာရေအားလျှပ်စစ်ဓာတ်အားပေးစက်ရုံမှ စက်ရုံမှူး၊ ဒုတိယစက်ရုံမှူးနှင့် အရာထမ်း/အမှု့ထမ်း စုစုပေါင်း(၇၅)ဦး တက်ရောက်ခဲ့ကြပါသည်။

အဆိုပါဟောပြောပွဲတွင် တိုင်းဒေသကြီးတာဝန်ခံမန်နေဂျာ မှ ပြည်သူ့ဝန်ထမ်းအသက်အာမခံ (ကာလရှည်)၊ နိုင်ငံဝန်ထမ်းအသက်အာမခံ (ကာလတို)၊ သူတစ်ပါးထိခိုက်မှုအာမခံလုပ်ငန်း၊ အလုံးစုံမော်တော်ယာဉ်အာမခံလုပ်ငန်း၊ မီးအာမခံလုပ်ငန်း၊ ရေကြောင်းကုန်ပစ္စည်းအာမခံ လုပ်ငန်းနှင့် ခရီးသွားအာမခံလုပ်ငန်းများအကြောင်းအား အကျယ်တဝင့်ရှင်းလင်းပြောကြား ခဲ့ပါသည်။