_0.png)
မြန်မာ့အာမခံလုပ်ငန်း၊ စစ်ကိုင်းခရိုင်ရုံးမှ အာမခံအကြောင်းသိကောင်းစရာ ဟောပြောပွဲကို (၃၀.၁.၂၀၁၉)ရက်နေ့ နံနက်(၁၀:၀၀)နာရီအချိန်တွင် မြောင်မြို့နယ် အထွေထွေအုပ်ချုပ်ရေး ဦးစီးဌာန၊ ထီးလှိုင်ရှင်အစည်းအဝေးခန်းမ၌ ကျင်းပပြုလုပ်ခဲ့ရာ မြောင်မြို့နယ် စီမံခန့်ခွဲမှု ကော်မတီ ဥက္ကဌ နှင့် မြို့နယ်စီမံခန့်ခွဲရေး ကော်မတီဝင်များ၊ အထွေထွေ အုပ်ချုပ်ရေးဦးစီးဌာနမှ အရာထမ်း/ဝန်ထမ်းများ မြို့နယ်အဆင့်ဌာနဆိုင်ရာ အကြီးအကဲများ၊ မြို့မိမြို့ဖများ၊ ရပ်ကွက်အုပ်ချုပ်ရေးမှူးများစုစုပေါင်း (၁၃၉)ဦး ခန့်တက်ရောက်ခဲ့ပါသည်။
အဆိုပါဟောပြောပွဲတွင် ခရိုင်တာဝန်ခံမှ မြန်မာ့အာမခံလုပ်ငန်းတွင် ဆောင်ရွက်ပေးလျှက် ရှိသည့် အာမခံအမျိုးအစားများကို ရှင်းလင်းပြောကြားခဲ့ပြီး လက်ရှိဆောင်ရွက်ပေးလျှက်ရှိသော နိုင်ငံဝန်ထမ်းအသက်အာမခံ(ကာလတို)၊ နှစ်တိုငွေပင်ငွေရင်းအာမခံ၊ သူတစ်ပါးထိခိုက်မှုအာမခံ၊ အလုံးစုံအာမခံ၊ မီးနှင့်အမျိုးမျိုးအာမခံ၊ ခရီးသွားအာမခံနှင့် ကုန်းလမ်းကုန်စည်အာမခံအကြောင်းများကို အသေးစိတ်ရှင်းလင်းပြောကြားခဲ့ပါသည်။
