မြန်မာ့အာမခံလုပ်ငန်း၊ သံတွဲခရိုင်ရုံးမှ အာမခံလုပ်ငန်းအကြောင်းနှင့် အာမခံထားရှိခြင်းဖြင့် ရရှိနိုင်သော အကျိုးရလာဒ်များ ဆွေးနွေးပွဲစကားဝိုင်းကို (၂၄.၁.၂၀၁၉) ရက်နေ့ မွန်းလွဲ (၁၄:၀၀)နာရီအချိန်တွင် ဂွမြို့နယ်၊ ဆပ်သွားတိုက်နယ်၊ အ.ထ.က ကျောင်းခန်းမတွင် ကျင်းပပြုလုပ်ရာ ဆရာ၊ ဆရာမများ၊ ကျောင်းသားမိဘများ၊ ရပ်မိရပ်ဖများနှင့် လုပ်ငန်းရှင်များ အင်အား (၁၀၀)ဦး တက်ရောက်ခဲ့ကြပါသည်။

အဆိုပါဆွေးနွေးပွဲတွင် မြန်မာ့အာမခံလုပ်ငန်း သံတွဲခရိုင်တာဝန်ခံမှ ဦးဆောင်ကာ နိုင်ငံ့ဝန်ထမ်း အသက်အာမခံ၊ ငွေပင်ငွေရင်းအသက်အာမခံ၊ အလုံးစုံမော်တော်ယာဉ်အာမခံ၊ မီးအာမခံ၊ ခရီးသွားအာမခံအကြောင်း ဆွေးနွေးခဲ့ပြီး တက်ရောက်လာသူများမှ သိရှိလိုသည်များကို ဆွေးနွေးမေးမြန်းကြကာ အခမ်းအနားကို မွန်းလွဲ (၁၅:၃၀) နာရီတွင် ရုပ်သိမ်းခဲ့ပါသည်။